Raźviedka Brytanii: Łukašenka sprabuje paźbiehnuć niepasrednaha ŭdziełu ŭ poŭnamaštabnaj vajnie Rasii suprać Ukrainy
Biełaruskija vojski niepasredna nie ŭciahnutyja ŭ vajnu Rasii suprać Ukrainy, i Alaksandr Łukašenka sprabuje paźbiehnuć u joj udziełu, zajaviła Ministerstva abarony Vialikabrytanii sa spasyłkaj na źviestki svajoj raźviedki.
Paśla vučeńniaŭ na pačatku maja Biełaruś abviaściła ab razhortvańni sił śpiecyjalnych apieracyj uzdoŭž miažy z Ukrainaj.
«Prysutnaść biełaruskich sił la miažy, imavierna, zafiksuje ŭkrainskija vojski, tamu jany nie mohuć razhortvacca dla padtrymki apieracyj na Danbasie», — adznačajuć u brytanskaj raźviedcy.
Padkreślivajecca, što na siońnia biełaruskija siły nie byli niepasredna ŭciahnutyja ŭ kanflikt. Ale terytoryja Biełarusi vykarystoŭvałasia ŭ jakaści płacdarma dla pieršapačatkovaha nastupu RF na Kijeŭ i Čarnihaŭ. Taksama ź Biełarusi Rasijaj nanosiacca rakietnyja ŭdary.
«Łukašenka, imavierna, bałansuje na miažy padtrymki rasijskaha ŭvarvańnia i žadańnia paźbiehnuć niepasrednaha vajennaha ŭdziełu z-za ryzyki zachodnich sankcyj, pomsty ŭkraincaŭ i mahčymaj niezadavolenaści biełaruskich vojskaŭ», — padsumavali ŭ raźviedcy.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary