Zachad svaimi sankcyjami padšturchnuŭ Biełaruś i Rasiju da intensiŭnaha raźvićcia i ŭzajemadziejańnia, užo raspracavanyja prahramy pa impartazamiaščeńni. Pra heta zajaviŭ Alaksandr Łukašenka na sustrečy z hubiernataram Nižaharodskaj vobłaści RF.
«Ja ŭsio bolš zadumvajusia nad tym, što Zachad, taho nie razumiejučy, padšturchnuŭ nas da intensiŭnaha raźvićcia — Rasiju i Biełaruś. Kali chtości da nas hatovy ŭ hetym płanie dałučycca, to jany atrymajuć surjozny efiekt», — zajaviŭ Łukašenka.
Jon adznačyŭ, što spatrebicca niekatory čas, kab pierabudavać ekanomiki dziaržaŭ, užo namiečanyja prahramy pa impartazamiaščeńni, jakija nieabchodna budzie realizoŭvać.
Łukašenka ŭpeŭnieny, što pramysłovaść dźviuch krain maje patencyjał, kab vyrablać praktyčna lubuju pradukcyju, ale ŭ asobnych halinach patrabujecca palepšyć jakaść, kab jana była na suśvietnym uzroŭni, na heta taksama spatrebicca niejki čas.
«Dobra, nie budziem jeździć u hety čas na «Mersedesach». Pakul prajedziemsia na svaich aŭtamabilach, jakija ŭ nas byli. Niadaŭna Rasija zajaviła pra namier vypuskać «Łady», «Maskvičy». A što drennaha? Heta ŭžo nie tyja maskvičy savieckija, naturalna. Ale, moža być, jašče i nie «Mersedesy». Pryjdzie čas — buduć u nas i svaje «Mersedesy». Na heta šmat času nie treba», — vykazaŭ mierkavańnie Łukašenka.
«Z Pucinym abmiarkoŭvali prablemu rakietabudavańnia. Dapamohuć nam davieści da rozumu novyja rakiety, jakija my stvarajem. My značna prasunulisia, ale z rasijanami chutčej stvorym narmalnuju rakietu — kampietencyj u ich pabolš. My i sami jaho zrobim, ale dla hetaha treba budzie bolš hoda. A kali razumny čałaviek pryjdzie i padkaža, što my nie tak robim, to my da kanca hetaha hoda atrymajem rakietu typu «Iskander». Vielmi dobraja zbroja», — skazaŭ Łukašenka.
«Maskvič» ź biarosty i łyka. Ekśpiert — ab tym, jakaja budučynia čakaje rasijski aŭtapram paśla sychodu Renault
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary