Zialenski staŭ samym upłyvovym čałaviekam hoda pa viersii čytačoŭ Time
Prezident Ukrainy Uładzimir Zialenski staŭ samym upłyvovym čałaviekam 2022 hoda pa viersii čytačoŭ časopisa Time.
«Kali ŭ lutym rasijskija vojski pačali poŭnamaštabnaje ŭvarvańnie va Ukrainu, Zialenski, komik, jaki nie mieŭ palityčnaha dośviedu da abrańnia prezidentam Ukrainy ŭ 2019 hodzie, vyjšaŭ na suśvietnuju arenu i zhurtavaŭ lidaraŭ dla padtrymki Ukrainy», — havorycca ŭ paviedamleńni.
Uładzimir Zialenski nabraŭ bolš za 3,3 miljona hałasoŭ i zaniaŭ pieršaje miesca z 5% hałasoŭ.
Na druhim miescy — Iłan Mask z 3,5% hałasoŭ. Premjer-ministr Vialikabrytanii Borys Džonsan zaniaŭ treciaje miesca z 3,4% hałasoŭ. Čaćviortaje miesca atrymali miedyki, jakija dapamahajuć śviecie zmahacca z karanavirusam. Prezident ZŠA Džo Bajden zaniaŭ piataje miesca ŭ rejtynhu samych upłyvovych ludziej hoda pa viersii čytačoŭ vydańnia, jon sabraŭ 3,1% hałasoŭ.
Finalny śpis samych upłyvovych ludziej 2022 hoda budzie apublikavany 23 maja, u im mohuć być źmieny, bo redaktary vydańnia jašče nie hałasavali.
Kamientary