Šaŭčuk prakamientavaŭ svoj pratakoł za pacyfisckija słovy na kancercie
Lidar muzyčnaha kalektyvu «DDT» Juryj Šaŭčuk prakamientavaŭ situacyju na kancercie va Ufie, dzie jon paviedamiŭ hledačam pra svajo razumieńnie Radzimy i ahučyŭ pacyfisckija vykazvańni. Raniej paviedamlałasia, što adrazu pa zakančeńni vystupu ŭ hrymiorku da muzykanta zajšła palicyja.
Pradziusar Radmir Usajeŭ raspavioŭ, što siłaviki prykładna hadzinu havaryli z Šaŭčukom, «nie prapuskajučy navat dyrektara kalektyvu». Jašče jon rastłumačyŭ, što Šaŭčuka mieli namier zatrymać, ale ŭsio ž hutarka skončyłasia składańniem administracyjnaha pratakoła. 20.3.3 KaAP (publičnyja dziejańni, nakiravanyja na dyskredytacyju US RF) Šaŭčuku pahražaje štraf u pamiery 50 000 rasijskich rubloŭ (2 tysiačy biełaruskich).
Šaŭčuk paćvierdziŭ, što ŭsio tak i było: da jaho ŭ hrymiorku prychodzili apieratyŭniki. Taksama muzyka adznačyŭ, što nie viedaje, što mienavita siłaviki ŭkazali ŭ pratakole ŭ jakaści parušeńnia.
«Ja ž tam šmat čaho kazaŭ», — skazaŭ jon.
Čytajcie taksama:
Na Juryja Šaŭčuka skłali pratakoł z-za jaho słoŭ pra vajnu, ž*pu prezidenta i radzimu na kancercie va Ufie
Łukašenku stała drenna na samicie ŠAS u Kazachstanie — Dožd́20
Kamientary