Ministry finansaŭ i kiraŭniki CB krain Vialikaj siamiorki nie zmahli ŭ čaćvier pryjści da ahulnaha mierkavańnia pa charaktary patencyjnych abmiežavańniaŭ na impart rasijskaj nafty. Pra heta paviedamiła žurnalistam kiraŭnica Minfina ZŠA Džanet Jelen pa vynikach pieršaha dnia dvuchdzionnaj sustrečy, jakaja prachodzić u Niamieččynie.
Pavodle jaje słoŭ, amierykanski bok zrabiŭ prapanovu ab uviadzieńni pošlin na impart rasijskaj nafty, kab abmiežavać dachody Maskvy, zachavaŭšy pry hetym abjom pastavak enierhanośbitaŭ z Rasii. Pry hetym pradstaŭniki jeŭrapiejskich krain damahalisia ŭviadzieńnia paetapnaha embarha da kanca hoda.
Na dumku Jelen, atrymalniki rasijskaj nafty mohuć dasiahnuć damoŭlenaści, zhodna ź jakoj nie buduć zakuplać paliva pa cenach, vyšejšych za peŭny ŭzrovień. Jana ličyć, što takaja inicyjatyva budzie paśpiachovaj, kali da jaje dałučacca jak maha bolš krain.
Adnak kančatkovaha rašeńnia pakul niama.
«Ničoha na samaj spravie nie vykryštalizavałasia ŭ jakaści vidavočnaj stratehii», — pryvodzić słovy ministra ahienctva Reuters.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary