Na Ściapana Puciłu i Jana Rudzika zaviedzienaja kryminalnaja sprava za terarystyčnuju dziejnaść
Raspačataja kryminalnaja sprava ŭ dačynieńni da Ściapana Puciły i Jana Rudzika — jak kiraŭnikoŭ terarystyčnaj arhanizacyi.
«Hałoŭnym upraŭleńniem pa rasśledavańni złačynstvaŭ u śfiery arhanizavanaj złačynnaści i karupcyi centralnaha aparata Śledčaha kamiteta dadatkova zaviedzienaja kryminalnaja sprava pa č. 1 art. 290-5 Kryminalnaha kodeksa Biełarusi ŭ dačynieńni da S. Puciła, Ja. Rudzika i inšych asob za arhanizacyju i kiravańnie dziejnaściu terarystyčnaj arhanizacyi Nexta, — raspaviali ŭ SK. — Z 2020 hoda abvinavačanyja vykarystoŭvali svaje infarmacyjnyja resursy dla destabilizacyi abstanoŭki na terytoryi Biełarusi i radykalizacyi tak zvanych akcyj pratestu. Vyšejpakazanyja terarysty nieadnarazova zaklikali da raspalvańnia sacyjalnaj varožaści i varožaści, błakavańnia daroh i kaardynacyi vuličnych biesparadkaŭ, učynieńnia teraktaŭ na čyhuncy i dyviersij na pradpryjemstvach, jakija mahli pryvieści da technahiennych katastrof».
Sankcyja hetaha artykuła (č. 1 art. 290-5) praduhledžvaje pazbaŭleńnie voli na termin da 15 hadoŭ.
Raniej rašeńniem Viarchoŭnaha suda pa zajavie hienieralnaha prakurora Nexta sa strukturnymi padraździaleńniami Nexta Live i Luxta byli pryznanyja terarystyčnaj arhanizacyjaj.
Ściapan Puciła taksama prachodzić abvinavačanym i padazravanym jašče pa 10 kryminalnych artykułach:
— 357 (zmova ci inšyja dziejańni, učynienyja z metaj zachopu dziaržaŭnaj ułady — da 12 hadoŭ pazbaŭleńnia voli);
— 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich — da 4 hadoŭ pazbaŭleńnia voli);
— č. 1 i 3 art. 293 (masavyja biesparadki — da 15 hadoŭ pazbaŭleńnia voli);
— 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści — da 12 hadoŭ pazbaŭleńnia voli);
— 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś — da 12 hadoŭ pazbaŭleńnia voli);
— 188 (paklop — da 3 hadoŭ pazbaŭleńnia voli);
— 368 (abraza prezidenta Respubliki Biełaruś — da 4 hadoŭ pazbaŭleńnia voli);
— 361-1 (stvareńnie ekstremisckaha farmavańnia albo ŭdzieł u im — da 7 hadoŭ pazbaŭleńnia voli);
— 361— 2 (finansavańnie ekstremisckaj dziejnaści — da 8 hadoŭ pazbaŭleńnia voli);
— 356 (zdrada dziaržavie — da 15 hadoŭ pazbaŭleńnia voli).
Polšča admoviła ŭ vydačy Puciły Biełarusi.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary