NYT apublikavała dokazy masavaha zabojstva ŭkraincaŭ rasijskimi vajskoŭcami ŭ Bučy
The New York Times apublikavała novyja dokazy vajennych złačynstvaŭ rasijskich vajskoŭcaŭ u Bučy. Apublikavanyja videa śviedčać, što rasijskija desantniki zabili 8 čałaviek.
Videa, atrymanyja The New York Times, pakazvajuć, što rasijskija vajskoŭcy zabili najmieniej 8 ukraincaŭ u Bučy 4 sakavika.
Na pieršym videa, jakoje źniali kamiery videanazirańnia 4 sakavika, vidać, jak vajskoŭcy viaduć ukrainskich cyvilnych (siarod ich byŭ mužčyna ŭ jarkaj siniaj kofcie). Zatym jany adviali mužčyn za ofisny budynak, jaki pieratvaryli ŭ svaju bazu.
Druhoje videa, jakoje dasłali śviedki, pakazvaje, što adbyvałasia za budynkam: byli streły, paśla čaho pałonnyja nie viarnulisia tudy, adkul ich vyvieli.
Na trecim videa, źniatym z drona 5 sakavika bačnyja cieły, jakija lažać na ziamli kala ofisnaha budynka, a pobač ź imi — dva rasijskija sałdaty na varcie. Siarod ciełaŭ zaŭvažnaja plama jarka-siniaha koleru — toj samy mužčyna ŭ siniaj kofcie ź pieršaha videa.
Raniej rasijskaje miedyja «Mieduza» apublikavała videa z drona, źniataje ŭ pramiežku z 23 pa 30 sakavika 2022 hoda ŭ Bučy, jakoje dakazvaje, što ludzi byli zabityja padčas akupacyi miastečka rasijanami.
Rasijski bok u masavych zabojstvach u Bučy vinavacić ukraincaŭ.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary