U Baranavičach abvieščanaja dvuchdzionnaja žałoba.
U Baranavičach abvieščanaja dvuchdzionnaja žałoba.
U Baranavičach (Bresckaja vobłaść), dzie dysłakujecca 61-ja źniščalnaja avijabaza VPS i vojskaŭ SPA Uzbrojenych sił Biełarusi, 2—3 vieraśnia abjaŭlena žałoba. Cieły zahinułych 30 žniŭnia na avijašou ŭ Radamie (Polšča) vajskovych lotčykaŭ Alaksandra Marfickaha i Alaksandra Žuraŭleviča buduć dastaŭleny samalotam na aeradrom avijabazy siońnia prykładna ŭ 15 hadzin. Jakim pavietranym sudnam, pakul nieviadoma.
Nieviadoma dahetul, chto budzie sustrakać bort. Jak paviedamili BiełaPAN u Ministerstvie abarony Biełarusi, situacyja mianiajecca pastajanna i zaležyć u tym liku ad taho, chto budzie pradstaŭlać polski bok. Spačatku razmova išła ab kamandujučym VPS Polščy, potym ab kamandziry 4-ha avijacyjnaha kryła, potym ab namieśniku kamandujučaha.
Cyrymonija raźvitańnia z zahinułymi lotčykami projdzie dniom 3 vieraśnia ŭ baranavickim Domie aficeraŭ.
Alaksandr Marficki byŭ namieśnikam kamandujučaha Zachodnim apieratyŭna-taktyčnym kamandavańniem VPS i vojskaŭ SPA, upraŭleńnie jakoha znachodzicca ŭ Baranavičach, Alaksandr Žuraŭlevič — namieśnikam kamandzira 61-j źniščalnaj avijabazy.
Minabarony Biełarusi pakul nie paćviardžaje i nie abviarhaje sapraŭdnaść vykładzienaha ŭ interniecie aŭdyjozapisu pieramoŭ dyśpietčara ź biełaruskim lotčykam na avijašou ŭ Radamie. Pavodle słoŭ načalnika pres-słužby ministerstva Viačasłava Ramienčyka, heta pavinna ŭstanavić kamisija. Pry hetym varta adznačyć, što hołas lotčyka padobny na hołas Alaksandra Marfickaha.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant16
Kamientary