Jon razam z šeraham inšych ludziej atrymali palityčny prytułak ŭ 2004 hodzie jak psieŭdaŭdzielniki apazicyjnaj arhanizacyi «Zubr».
Jašče adzin biełarus asudžany sudom štata Virdžynija za machlarstva ź vizami.
1 vieraśnia amierykanskaje vydańnie The Virginian-Pilot paviedamiła pra toje, što sud štata Virdžynija asudziŭ 27-hadovaha Piatra Baravika na piać hadoŭ pazbaŭleńnia voli.
Asudžany byŭ padnačalenym inšaha biełarusa Viktara Krusia, jaki atrymaŭ siem hadoŭ pazbaŭleńnia voli ŭ lipieni hetaha hodu. Baravik pryznaŭ siabie vinavatym u tym, što ŭdzielničaŭ u pastaŭcy nielehalnych pracoŭnych u haścinicy i restarany pad kiraŭnictvam Krusia i jašče adnaho lidera hrupoŭki. Śledstva vyjaviła, što Baravik ahułam zarabiŭ na nielehałach kala 233 tysiačy dalaraŭ.
Piatro Baravik pryjechaŭ u ZŠA ŭ 2003 hodzie. Jon razam z šeraham inšych ludziej (ich imiony pakul nie nazyvajucca) atrymali palityčny prytułak ŭ 2004 hodzie jak udzielniki apazicyjnaj arhanizacyi «Zubr».
Paśla vychadu na volu, «psieŭdazubroŭcy» buduć departavanyja na radzimu: śledstva ŭstanaviła, što jany nie ŭvachodzili ŭ palityčnuju arhanizacyju «Zubr» i ich nie pieraśledavali za palityčnuju dziejnaść.
Usiaho pad kiraŭnictvam Viktara Krusia z 2003 pa 2008 hoda amal čatyry tysiačy nielehalnych imihrantaŭ z krain byłoha SSSR. Prybytak Krusia, ź jakoha jon nie zapłaciŭ padatki ŭ pamiery 7,4 miljony, pieravysiŭ 34 miljony dalaraŭ.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant16
Kamientary