Ad vychadu ŭ kupalnikaŭ, adnak nie admovilisia, bo «mužčyny nie darujuć».
Prajšła pres‑kanfierencyja z nahody praviadzieńnia finała konkursu «Mis Minsk 2009». Jon projdzie 10 vieraśnia ŭ sportkompleksie Minsk‑Arena.
Sioletni konkurs maje adroźnieńni ad minułahodnich. Pa‑pieršaje, pašyryli ŭzrostavyja ramki dla kankursantak. Heta dziaŭčaty ad 18 da 30,chacia tryccacihadovych i niama siarod udzielnic. U asnoŭnym na kastynh prychodzili dziaŭčaty 18‑21 hadoŭ.
Byli prybrany taksama i madelnyja abmiežavańni.«My nadta stamilisia ad konkursaŭ pryhažości z takimi madelnymi paramietrami, bo kožny raz prychodziać adny i tyja dziaŭčaty. Ja sama naziraju ich hadami. Konkurs pryhažości – heta šoŭ, jakoje pavinna kožny raz nabyvać novyja formy», – adznačyła dyrektar Nacyjanalnaj škoły pryhažości Volha Siarožnikava.
Padčas konkursu projdzie defile ŭdzielnic. Arhanizatary abiacajuć pryhožyja kaściumy, nad jakimi pracujuć biełaruskija dyzajniery.
Budzie taksama vychad dziaŭčat u kupalnikach. Ad jaho chacieli admovicca. «Ale mužčyny nie darujuć nam, kali hetaha nie budzie», – pažartavała Volha Siarožnikava.
«My nie źbirajemsia rabić šoŭ niaviestaŭ dla zamiežnikaŭ, – kaža hienieralny dyrektar telekanała STB Juryj Kazijatka. – My źbirajem nie tolki pryhožych dziaŭčat, ale i talenavitych. Dziaŭčaty, jaki źbirajucca žyć u Biełarusi, dumajuć pra toje, jak uładkavać žyćcio, jak zrabić jaho lepšym». Adna z hałoŭnych umoŭ udziełu ŭ sioletnim konkursie – raspracoŭka svajho sacyjalnaha prajektu. 20 finalistak prapanavali roznyja idei. Chtości choča pastavić u Minsku śmietnicy, jakija buduć «dziakavać». Niechta padrychtavaŭ kancepcyju stvareńnia muzieja historyi Minska. Niekatoryja prajekty buduć pryniatyja da pracy nie ŭ zaležnaści ad pieramohi ci nie ich raspracoŭščykaŭ. Jak zapeŭniŭ načalnik upraŭleńnia kultury Minharvkankama Uładzimir Karačeŭski, litaralna siońnia projdzie razhlad takich prajektaŭ sa śpiecyjalistami.
Zaraz zdymajucca videa‑vizitoŭki kankursantak, jakija buduć demanstravacca na telekanale STB. Heta buduć roliki, u jakich pryhažuni raspaviaduć pra svaje zachapleńni. Kab nie hublać čas na pradstaŭleńnie svaich talentaŭ padčas konkursu, hledačam taksama pakužuć hetaje videa.
«Mis Minsk» vyznačyć žury. U jaho ŭklučany čatyry narodnyja artysty: dva ź Biełarusi – Anatol Jarmolenka, Alaksandr Cichanovič i dva z Rasii – Ihar Nikałajeŭ, Alaksandr Siaroŭ.Padčas konkursu jany daduć nievialiki kancert. Asobna budzie ŭručany pryz hladackich simpatyj.
Pieramožcu čakaje hrašovy pryz i dapamoha ŭ realizacyi svajho sacyjalnaha prajektu.
Arhanizoŭvajuć konkurs Minharvykankam, telekanał STB i Nacyjanalnaja škoła pryhažości.
Volha Siarožnikava.
Juryj Kazijatka.
