Minabarony Ukrainy: Na miažy znachodzicca da čatyroch tysiač biełaruskich vajskoŭcaŭ
Śpikier Ministerstva abarony Ukrainy Alaksandr Matuzianik u efiry nacyjanalnaha telemarafona zajaviŭ, što na miažy ŭ Bresckaj i Homielskaj abłaściach ciapier znachodzicca da siami biełaruskich bataljonaŭ. Heta prykładna 3,5 — 4 tysiačy asabovaha składu, paviedamlaje «Ukrainskaja praŭda».
«Ale treba razumieć, što tam jość i rasijskija vojski. Nie skažu pra ich kolkaść, ale jość šerah nasielenych punktaŭ, dzie jany raskvataravanyja», — dadaŭ jon.
«Akramia taho, uličvajučy, što ciapier biełaruski bok daje Rasii ŭsiu łahistyku, całkam mahčymy varyjant, što rasijanie zmohuć dosyć chutka pierakinuć na terytoryju Biełarusi niejkija dadatkovyja reziervy i, mahčyma, padrychtavać nastup, ale da hetaha treba rychtavacca. «Pa stanie na hety dzień my pakul hetaha nie bačym», — dadaŭ śpikier Minabarony.
Pa jaho słovach, dziejańni Rasii, u tym liku i biełaruskaj armii, prymušajuć ukraincaŭ trymać tam vojski. Choć asnoŭnaja ŭvaha ciapier prykutaja da Łuhanščyny i Danieččyny, astatniaje — adciahnieńnie ŭvahi, skoŭvańnie ŭkrainskich dziejańniaŭ, što prymušaje trymać vojski na biełaruskaj miažy.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary