Pieršy nacyjanalny telekanał i «Biełaruś-TV» pakažuć u pramym efiry finał adboračnaha tura mižnarodnaha dziciačaha konkursu pieśni «Jeŭrabačańnie-2009».
10 vieraśnia Pieršy nacyjanalny telekanał i «Biełaruś-TV» pakažuć u pramym efiry finał dziciačaha konkursu «Pieśnia dla Jeŭrabačańnia» — adboračnaha tura mižnarodnaha dziciačaha konkursu pieśni «Jeŭrabačańnie-2009».
Niezadoŭha da pramoj tranślacyi hała-kancerta finalistaŭ u studyi Biełteleradyjokampanii prajšoŭ hienieralny prahon šou, na jakim pabyvali karespandenty BiełaPAN.
Kankursanty buduć śpiavać užyvuju, z vykarystańniem fanahramy «minus adzin». Pieramožca, jaki pradstavić Biełaruś na dziciačym konkursie pieśni «Jeŭrabačańnie-2009» u Kijevie, vyznačycca pa vynikach telefonnaha hałasavańnia telehledačoŭ i prafiesijnaha žury (50% na 50%).
Zhodna z vynikami losavańnia, finalisty vystupiać u nastupnym paradku:
1. Kaciaryna Miažennaja (Minsk), «Tolki kachańnie».
2. Hurt «RoKi» — Kirył Jermakoŭ i Raman Vałaźnioŭ (Minsk), «Tolki napierad!»
3. Darja Šulhina (Hrodna), «Vohniennyja noty».
4. Juryj Dziemidovič (Minsk), «Čaroŭny trusik».
5. Złata Łarčanka (Dziaržynsk), «Baba-Jaha — 2009».
6. Dzijana Huzina (Hrodna), «Maru latać».
7. Kaciaryna Muraška (Mahiloŭ), «Dzień naradžeńnia».
8. Palina Kliškova (Mahiloŭ), «Za zorkaj».
9. Mahamied Asłanaŭ (Hrodna), «Cik-tak».
10. Dzijana Hromava (Homiel), «Hej, chłopčyki i dziaŭčynki».
U intervju BiełaPAN Kirył Jermakoŭ padzialiŭsia:
«Nastroj pieradkonkursny. Jość dola chvalavańnia, jość dola ŭpeŭnienaści, nu i, viadoma, my spadziajomsia na pieramohu».
Jaho siabar pa duecie «RoKi» Raman Vałaźnioŭ paviedmiŭ:
«Naša pieśnia pra toje, što treba imknucca tolki napierad, nikoli nie aziracca nazad. I my chočam, viadoma, kab hetaja pieśnia była ŭsim zrazumiełaja, kab my dobra praśpiavali i danieśli da hledača».
Hamialčanka Dzijana Hromava:
«Chvalujusia viadoma, ale treba vieryć u siabie, i tady ŭsio atrymajecca.
Doŭha dumała, jakuju vybrać pieśniu. Tamu što ŭsie temy ŭžo nibyta byli — sonca, družba… I vyrašyła praśpiavać pra ŭzajemaadnosiny chłopčykaŭ i dziaŭčynak».
Na jaje dumku, sioleta ŭsie ŭdzielniki, jakija dajšli da finału, — mocnyja, usie joj padabajucca, «tak što ciažka kahości vydzielić».
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary