Padčas śviatkavańnia Dnia horada 12—13 vieraśnia minskaja milicyja budzie nieści słužbu va ŭzmocnienym režymie. Pra heta paviedamili ŭ HUUS Minharvykankama.
Bolšaść z zapłanavanych mierapryjemstvaŭ haradskoha ŭzroŭniu adbuducca na praśpiekcie Pieramožcaŭ na ŭčastku ad płoščy Svabody da praśpiekta Mašerava, a taksama na placoŭcy kala Nacyjanalnaj biblijateki. U metach biaśpieki miescy ich praviadzieńnia buduć aharodžany turnikietami, a prachod hramadzian budzie ažyćciaŭlacca praz kantrolna-prapusknyja punkty, abstalavanyja jak stacyjanarnymi, tak i ručnymi mietaładetektarami.
Kolkaść KPP budzie dastatkovaj dla zabieśpiačeńnia prachodu ŭdzielnikaŭ, haściej i hledačoŭ śviata z ulikam praviadzieńnia nieabchodnych nadhladnych mierapryjemstvaŭ, adznačyli ŭ HUUS.Staličnaja milicyja rekamienduje prybyvać da miesca praviadzieńnia masavych mierapryjemstvaŭ svoječasova. U metach biaśpieki ŭ punktach propusku budzie ažyćciaŭlacca videadakumientavańnie. U miescach praviadzieńnia masavych mierapryjemstvaŭ budzie pracavać sistema videanazirańnia.
Milicyja nahadvaje, što padčas praviadzieńnia masavych mierapryjemstvaŭ, u pryvatnaści,
zabaraniajecca: mieć pry sabie zbroju, vybuchovyja rečyvy, bojeprypasy, ich imitatary i mulažy; pranosić ałkaholnyja, słabaałkaholnyja napoi, piva, a taksama lubyja inšyja napoi, za vyklučeńniem biezałkaholnych prachaładžalnych napojaŭ u prazrystaj płastykavaj tary jomistaściu nie bolš čym 0,5 litra; pranosić bujnahabarytnyja rečy.Akramia taho, na masavyja mierapryjemstvy nie buduć dapuskacca asoby ŭ stanie apjanieńnia, ravarysty, hramadzianie z svojskaj žyviołaj.
U suviazi z praviadzieńniem haradskich śviatočnych mierapryjemstvaŭ 12 vieraśnia z 9.00 budzie abmiežavany ruch transpartu pa praśpiekcie Mašerava ad vulicy Cimirazieva da vulicy Daŭmana, z 09.45 pa praśpiekcie Pieramožcaŭ ad vulicy Lenina da vulicy Radužnaj. Akramia taho, nie vyklučana abmiežavańnie ruchu i na inšych terytoryjach, sumiežnych ź miescam praviadzieńnia mierapryjemstvaŭ. U nazvanych miescach taksama budzie zabaroniena parkoŭka transpartnych srodkaŭ.
