Paškodžanyja dva chramy, žyłyja damy i abjekty infrastruktury, zajaviŭ kiraŭnik Łuhanskaj vobłaści Siarhiej Hajdaj.
![](http://nashaniva.com/img/w732d4webp1/photos/z_2022_06/00ecdcc-photo-2022-05-19-11-16-44--1--gchor-t7qi7.jpg.webp)
Pa słovach Siarhieja Hajdaja, ad artabstrełaŭ i avijaŭdaraŭ paciarpieli Lisičansk, Vaŭčajaraŭka, Łaskutoŭka i Vierchniakamienka. «U Vaŭčajaraŭcy iduć bai. Rasijanie sprabavali atakavać ŭ rajonie Vierchniakamienki, ale vymušanyja byli adyści», — piša Hajdaj.
U Lisičansku paškodžanyja prynamsi piać šmatpaviarchovikaŭ, u adnym ź jakich pavyharali adrazu 10 kvater. Na adnoj z vulic źniščana adrazu šeść pryvatnych damoŭ.
Taksama rasijskija vojski abstralali aŭtavakzał u Lisičansku, Śviata-Mitrafanaŭski chram i chram śviatoj vialikapakutnicy Varvary, adno z pradpryjemstvaŭ, pamiaškańnie pahraničnaha atrada i adzin z administracyjnych budynkaŭ.
Kamientary