Siejm Litvy zabaraniŭ impart rasijskaha hazu ŭ krainu. Vyklučeńnie — jaho tranzit u Kalininhrad
Litva zakanadaŭča zabaraniła impart u krainu rasijskaha pryrodnaha hazu, za vyklučeńniem jaho tranzitu ŭ Kalininhradskuju vobłaść RF.
U aŭtorak Siejm pryniaŭ adpaviednyja papraŭki da Zakona ab pryrodnym hazie: «za» prahałasavali 123 členy Siejma, dvoje ŭstrymalisia. Zhodna z novym zakonam, hazatranspartnaja sistema krainy i terminał zvadkavanaha pryrodnaha hazu (SPH) kampanii Klaipedos nafta buduć dastupnyja tolki pastaŭščykam z krain, jakija nie ŭjaŭlajuć pahrozy nacyjanalnaj biaśpieki, za vyklučeńniem pastaŭščykoŭ, jakija transpartujuć haz tranzitam u Kalininhrad, paviedamlaje Delfi.lt.
Jašče ŭ pačatku sakavika Klaipedos nafta prypyniła pryjom hruzaŭ rasijskaj kampanijaj «Novatek» paśla taho, jak Jeŭrasajuz uvioŭ z-za vajny na Ukrainie sankcyi ŭ dačynieńni da rasijskaha aliharcha Hienadzia Cimčanki, jakoha možna ličyć asobaj, što kantraluje hrupu «Novatek». Akramia taho, z krasavika Litva, damahajučysia poŭnaj niezaležnaści ad «Hazprama» i adkazvajučy na enerhietyčny šantaž Rasii ŭ Jeŭropie i vajnu va Ukrainie, całkam admoviłasia ad pastavak rasijskaha hazu pa trubapravodzie. U ciapierašni čas rasijski haz praciahvaje transpartavacca tranzitam praź Litvu ŭ Kalininhrad, ale ŭ adroznaha ad zvyčajnaha techničnym režymie, jaki zabiaśpiečvaje tolki pieradaču kolkaści hazu, nieabchodnaha dla tranzitu.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary