Na viečaryncy z udziełam Ołafa Šolca žančynam padmiešvali «narkotyki zhvałtavańnia»
U Hiermanii naśpiavaje palityčny skandał. Niamieckija sacyjał-demakraty vyvučajuć mahčymyja atručvańni «narkotykami zhvałtavańnia» na letniaj viečaryncy, zładžanaj partyjaj. Viadoma pra vosiem žančyn, paciarpiełych ad narkatyčnaha rečyva, paviedamlaje Deutsche Welle.
Na letniaj viečaryncy Sacyjał-demakratyčnaj partyi Hiermanii (SDPH), jakaja prajšła raniej na hetym tydni, niekalki žančyn, na dumku členaŭ partyi, padvierhlisia ŭździejańniu «nakaŭtujučych kropiel». U Niamieččynie hety termin aznačaje tak zvanyja «narkotyki zhvałtavańnia», da jakich adnosiać srodak «Rahipnoł» («Fłunitraziepam»).
Pieršym pra incydent napisała ŭ subotu, 9 lipienia, niamieckaje vydańnie Tagesspiegel sa spasyłkaj na ŭnutrany čat SDPH. Paśla padobnaja infarmacyja taksama apynułasia ŭ rasparadžeńni infarmacyjnych ahienctvaŭ dpa i Reuters.
«Heta aburalnaje zdareńnie, pra jakoje z našaha boku było nieadkładna paviedamlena ŭ palicyju bundestaha», — zajaviŭ lidar frakcyi SDPH Macijas Marcin u liście deputatam-adnapartyjcaŭ.
Pa źviestkach Tagesspiegel, nie mienš za vosiem prysutnych na mierapryjemstvie žančyn paciarpieli ad padmiešvańnia im «narkotykaŭ zhvałtavańnia». «My rekamiendujem inšym mahčymym paciarpiełym nieadkładna paviedamić pra heta ŭ palicyju», — skazaŭ Marcin.
Jak vynikaje z čata sacyjał-demakrataŭ, adzin vypadak byŭ paćvierdžany pravierkaj i abvinavačvańni ŭžo vystavili nieviadomamu złamyśniku. Vykanaŭčy sakratar frakcyi sacyjał-demakrataŭ u Bundestahu Kacia Mast taksama paraiła ŭsim, chto ličyć siabie paciarpiełym, prainfarmavać ułady pra toje, što zdaryłasia. «My ŭsie aburanyja i zrobim usio, što ŭ našych siłach, kab pralić śviatło na heta nievierahodnaje zdareńnie», — zajaviła jana.
Tradycyjnaja viečarynka SDPH adbyłasia ŭ Bierlinie 6 lipienia, u apošni pracoŭny tydzień Bundestaha pierad letnimi kanikułami, jakija praciahnucca da vieraśnia. Jak piša Tagesspiegel, na mierapryjemstvie prysutničali kala tysiačy haściej, u tym liku kancler FRH Ołaf Šolc.
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1818
Kamientary