Ukrainskija vajskoŭcy ciapier tolki hieraična strymlivajuć pieraŭzychodziačyja siły voraha, ale jość try važnyja składniki dla taho, kab u vajnie z Rasijaj adbyŭsia pierałom, adznačyŭ daradca kiraŭnika Ofisa prezidenta Ukrainy Michaił Padalak u svaim tvitary.
«Chočam pierałomu ŭ vajnie? Try składniki… Bolš instrumientaŭ — chutčej začyścim ruskich», — napisaŭ Padalak i pieraličyŭ nieabchodnyja rečy, jakija paskorać pieramohu Ukrainy:
- HIMARS dazvalajuć vysokadakładna źniščać tyłavyja bazy i łahistyku.
- Ciažkaja artyleryja pa linii frontu dazvalaje parytetna adkazvać kolkaściu na kolkaść.
- Braniatechnika dla «kułakoŭ praryvu».
Raniej Padalak padkreślivaŭ, što ŭ vajnie z Rasijaj užo pačaŭsia peŭny pierałomny momant — tolki za apošni tydzień USU źniščyli 16 varožych pazicyj z rasijskimi kazarmami i składami z bojeprypasami. Apieratyŭnuju paŭzu, jakuju vyrašyli ŭziać rasijanie, Padalak akurat i źviazvaje sa značnymi stratami ŭ ichniaj žyvoj sile, technicy i bojekamplektach.
Pra toje, što vysokadakładnyja i dalnabojnyja amierykanskija rakietnyja sistemy HIMARS užo mocna źmianili stanovišča na poli boju, napisaŭ u tvitar i ministr abarony Ukrainy Alaksiej Reźnikaŭ. Pavodle jaho słoŭ, bolšyja pastaŭki HIMARS, amierykanskich bojeprypasaŭ i abstalavańnia pavialičać siłu Ukrainy i dapamohuć «demilitaryzavać terarystyčnuju dziaržavu».
Ciapier va Ukrainie dziejničajuć dzieviać ustanovak HIMARS abo anałahičnych sistem. Jany skancentravanyja na ŭdarach pa tyłach rasijan, ichnich štabach i składach. Niadaŭna ZŠA paabiacali pastavić jašče čatyry HIMARS.
Kamientary