AR-startap ź biełaruskimi karaniami Wannaby likviduje svaju jurydyčnuju asobu ŭ Biełarusi. Viasnoj kampaniju kupiŭ brytanski markietplejs Farfetch za 29,4 miljona dalaraŭ, piša dev.by.
Rašeńnie ab likvidacyi pryniaŭ ułaśnik Wannaby. U kamandzie pracavali kala 80 čałaviek, paśla ździełki jany stali supracoŭnikami Farfetch. U minskim ofisie, pa dadzienych PVT, pracavała 60+ čałaviek.
Jašče ŭ 2020 hodzie SIEO kampanii Siarhiej Archanhielski raskazvaŭ, što kampanija rełakuje achvotnych. Siońnia, zdajecca, supracoŭnikaŭ u Minsku ŭžo nie zastałosia, jany pracujuć ź Litvy, Polščy i Kipra.
Wannaby zapuścili ŭ 2017 hodzie Juryj i Alaksiej Mielnički. Startap zajmajecca raspracoŭkami ŭ śfiery AR-commerce — «šopinhu ŭ dapoŭnienaj realnaści». Hałoŭnyja pradukty — prahramy dla virtualnaj prymierki kaśmietyki (Wanna Nails) i krasovak (Wanna Kicks).
Kamientary