Rasijski TH-kanał paćvierdziŭ achviary ŭkrainskaha ŭdaru pa składzie ŭzbrajeńnia ŭ Daniecku. Tam maładyja adzinarosy raśpisvali snarady
Rasijski TH-kanał paćvierdziŭ nastupstvy ŭkrainskaha ŭdaru pa składzie ŭzbrajeńnia ŭ Daniecku: kala 40 paranienych, kala 20 zabitych. Tudy pasłali «Maładuju hvardyju Adzinaj Rasii» raśpisvać pasłańniami snarady.
«U noč z 9 na 10 lipienia ŭ vyniku ŭkrainskaha nalotu byŭ nakryty skład rakietna-artyleryjskaha ŭzbrajeńnia 1 AK DNR. Tolki paranienych amal 40 čałaviek, kolkaść zahinułych, pa roznych padlikach, dasiahaje 20 čałaviek. Cieły mocna frahmientavanyja, dakładnaja kolkaść nieviadomaja», — piša kanał.
Siarod zahinułych byli aktyvisty adździaleńnia «Maładoj respubliki» — danieckaha filijała rasijskaj arhanizacyi «Maładaja hvardyja Adzinaj Rasii».
Pavodle kanała, ukrainski ŭdar adbyŭsia ŭ tym liku praz samapijar kiraŭnikoŭ maładych adzinarosaŭ.
Jak piša kanał, 5 lipienia kiraŭnik adździaleńnia «Maładoj respubliki» ŭ h. Jasinavataja Mikael Minasian apublikavaŭ post, pryznaŭšy ŭ im, što hramadskaja arhanizacyja zajmajecca padvozam bojeprypasaŭ i abstalavańniem pazicyj.
8 lipienia ŭžo kiraŭnik «Maładoj Respubliki» Kirył Makaraŭ apublikavaŭ videa, jak maładziony na składzie raśpisvajuć minamiotnyja snarady, jakimi płanujuć «pracavać» pa ŭkrainskim horadzie Aŭdziejeŭka.
Praz paŭtara dni USU nanieśli pa składzie RAU ŭdar.
«Vierahodniej za ŭsio, moładź prosta zabyłasia vyklučyć telefony, znachodziačysia na režymnym abjekcie, i radyjotechničnyja kompleksy praciŭnika zasiekli navała aktyŭnych abanientaŭ na daŭno viadomym składzie», — piša kanał.
U vyniku jak minimum 40 pakalečanych, 20 zabitych.
Kamientary