Za najezd na supracoŭnika milicyi žycharu Baranavičaŭ dali siem hadoŭ kałonii. Jon viarnuŭsia z Polščy
U sudzie Baranavickaha rajona i Baranavič 11 lipienia byŭ vyniesieny prysud pa kryminalnaj spravie Paŭła Linkieviča, abvinavačanaha ŭ naŭmysnym pryčynieńni ciažkaha cialesnaha paškodžańnia supracoŭniku milicyi (č. 2 art. 147 Kryminalnaha kodeksa).
Sudovy praces vioŭ sudździa Mikałaj Kmita, paviedamlaje «Viasna».
Pavodle materyjałaŭ śledstva, u žniŭni 2020 hoda ŭ Baranavičach 35-hadovy mužčyna, siedziačy za rulom pazadarožnika, ździejśniŭ naŭmysny najezd na supracoŭnika orhanaŭ unutranych spraŭ, jaki ažyćciaŭlaŭ achovu hramadskaha paradku. U vyniku supracoŭniku byli pryčynienyja ciažkija cialesnyja paškodžańni, ź jakimi jaho špitalizavali ŭ balnicu.
Supracoŭniki DAI praśledavali abvinavačanaha, adnak kiroŭca kinuŭ svoj aŭtamabil pablizu vioski Antanova, a sam źbieh.
Mužčyna byŭ abvieščany ŭ vyšuk i paśla viartańnia z Polščy 5 traŭnia 2022 hoda ŭ Baranavičy jon byŭ zatrymany i źmieščany pad vartu.
Sudovy praces pačaŭsia 7 lipienia.
Pradstaŭnik abvinavačańnia zaprasiŭ dla Linkieviča pazbaŭleńnia voli terminam na 7 hadoŭ i 10000 rubloŭ materyjalnaj kampiensacyi paciarpiełamu supracoŭniku milicyi.
Akramia taho, nakiravali isk u hramadzianski sud ab pryznańni aŭtamabila Linkieviča srodkam ździajśnieńnia złačynstva, kab potym kanfiskavać. Praŭda, aŭtamabil staić na rasijskim uliku.
Paŭła Linkieviča pryznali vinavatym i asudzili da 7 hadoŭ pazbaŭleńnia voli ŭ kałonii ŭzmocnienaha režymu.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary