Radyjo Svaboda: Biełaruski pamiežnik nielehalna pierajšoŭ miažu z Ukrainaj
Incydent zdaryŭsia 29 červienia ŭ 13:20. Ale viadoma pra jaho stała paśla taho, jak apublikavali adpaviednaje sudovaje rašeńnie: biełaruskaha pamiežnika pakarali aryštam, piša «Radyjo Svaboda».
Hramadzianin Biełarusi, jaki słužyć staršynoj pa materyjalnym zabieśpiačeńni ŭ Bresckaj pamiežnaj hrupie, pierasiek miažu pa-za punktam propusku na terytoryi Šackaj hramady Kovielskaha rajona Vałynskaj vobłaści ŭ kirunku Dubok (Biełaruś) — Chrypsk (Ukraina). Jaho zatrymaŭ patrul ukrainskich pamiežnikaŭ i skłaŭ akt ab parušeńni pavodle č. 1 artykuła 204-1 Kodeksa Ukrainy ab administracyjnych pravaparušeńniach.
Pamiežnika pakarali aryštam na dvoje sutak z 29 červienia. Mahčyma, jon užo vyzvaleny i viarnuŭsia dadomu. Zhodna z rašeńniem suda, jon taksama musiŭ spłacić 496 hryŭniaŭ sudovaha zboru.
U toj ža čas u sudovym rašeńni niama tłumačeńnia zatrymanaha biełaruskaha pamiežnika, jak, čamu i navošta jon pierajšoŭ biełaruska-ŭkrainskuju miažu.
Paźniej Dziaržaŭny pamiežny kamitet abvierhnuŭ hetu infarmacyju.
«Dziaržaŭny pamiežny kamitet aficyjna paviedamlaje, što incydentaŭ, źviazanych z vajennasłužačymi orhanaŭ pahraničnaj słužby, nie było: nivodny biełaruski pamiežnik miažu z Ukrainaj nie pierasiakaŭ. Usie biełaruskija pamiežniki znachodziacca na miescach słužby i vykonvajuć zadačy pa achovie dziaržaŭnaj miažy», — havorycca ŭ paviedamleńni.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača49
Kamientary