Kiraŭnik samaabvieščanaj «Danieckaj Narodnaj Respubliki» Dzianis Pušylin padpisaŭ ukaz ab uniasieńni papravak u Kryminalna-vykanaŭčy kodeks «respubliki», paviedamili ŭ jahonym «Narodnym Saviecie».
Hetymi papraŭkami zdymajecca maratoryj na vykanańnie śmiarotnych prysudaŭ. Heta zroblena dla taho, kab mahčy rasstrelvać ukrainskich vajskoŭcaŭ, zachoplenych rasijskimi vojskami ŭ pałon.
Najpierš pad śmiarotnaj pahrozaj apynajucca try ŭkrainskija bajcy inšaziemnaha pachodžańnia: marakaniec Tachar Saaŭdun i dvoje brytanskich hramadzian, Ejden Aślin i Šon Piner. Im niadaŭna «sudom» «DNR» byli vyniesienyja śmiarotnyja prysudy.
«Sudździami» hetyja ludzi kvalifikujucca jak najmity, choć nasamreč heta nie tak. Usie troje byli vajskoŭcami ŭkrainskaj armii jašče da pačatku vajny i byli daŭno intehravanyja va ŭkrainskaje hramadstva.
Ale charakternaja asablivaść siońniašniaj Rasii, a tym bolš samaabvieščanych «DNR» i «ŁNR» — demanstratyŭnaja paharda da mižnarodnaha prava. Tamu choć ź jahonaha punktu hledžańnia vajskoŭcy musiać być abaronienyja, na praktycy heta moža nie spracavać.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ156
Kamientary