Amierykaniec chacieŭ zrabić sełfi na Viezuvii i ŭpaŭ u kratar vułkana
Sproba zrabić zdymak na pamiać mahła skončycca trahiedyjaj. Dziakujučy chutkaj reakcyi miascovych rataŭnikoŭ atrymałasia źbierahčy žyćcio mužčyny, jaki ŭpaŭ u kratar Viezuvija, kali sprabavaŭ zrabić dobraje fota.
Usio zdaryłasia 9 lipienia. 23-hadovy amierykanski turyst z horada Bałtymar išoŭ razam z tryma svajakami pa ściežcy na samaj viaršyni vułkana, nie źviartajučy ŭvahu na toje, što ściežka była zakrytaja dla naviedvańnia, piša onet.pl.
U niejki momant mužčyna pasprabavaŭ zrabić sełfi, ale telefon vyśliznuŭ ź jaho ruki i ŭpaŭ prosta ŭ kratar vułkana. Amierykaniec pasprabavaŭ dastać telefon i trochi spuściŭsia ŭ kratar, ale straciŭ raŭnavahu i ŭpaŭ z vyšyni ŭ niekalki mietraŭ.
Hrupu turystaŭ zaŭvažyli hidy, jakija patruliravali toj rajon, paźniej prybyła palicyja i rataŭniki. Mužčynu dastali z kratara i akazali jamu pieršuju dapamohu. Amierykaniec atrymaŭ lohkija traŭmy i siniaki na rukach, nahach i śpinie, ale ŭsio mahło skončycca našmat horš, bo turyst ryzykavaŭ upaści dalej u kratar z vyšyni 300 mietraŭ.
Paśla hetaha mužčynu zatrymali. Razam sa svajakami jaho pakarajuć za toje, što jon vyrašyŭ prajścisia pa niebiaśpiečnaj zonie, jakaja była dakładna paznačanaja jak zabaronienaja.
U Jehipcie akuły napadajuć na turystaŭ. Ekśpiert nazyvaje vierahodnyja pryčyny
Jak palityčnaja karjera zaležyć ad zapaleńnia kišečniku. Niezvyčajnaja dola Sindza Abe, jakoha siońnia zabili
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary