Ukrainskaja raźviedka pakul nie bačyć prykmiet farmavańnia na terytoryi Biełarusi nastupalnych hrupovak
U Biełarusi adbyvajecca ratacyja padraździaleńniaŭ, zachoŭvajecca prysutnaść rasijskich rakietnych vojskaŭ i avijacyi, ale pakul što nie stvarajecca mahutnych udarnych hrupovak, jakija mahli b pahražać novym uvarvańniem na terytoryju Ukrainy z poŭnačy pa ziamli, zajaviŭ pradstaŭnik Hałoŭnaha ŭpraŭleńnia raźviedki Minabarony Ukrainy Vadzim Skibicki padčas nacyjanalnaha telemarafona.
«Što tyčycca pieramiaščeńnia vojskaŭ, to, pavodle našych źviestak, tam adbyvajecca praces ratacyi tych padraździaleńniaŭ, jakija znachodziacca kala našaj miažy. Adzinaje, padčas ratacyi budzie pavialičanaja kolkaść vojskaŭ, jakija znachodziacca kala našaj miažy.
A pa-druhoje, my bačym, što peŭnyja padraździaleńni — rakietnyja padraździaleńni, padraździaleńni supraćpavietranaj abarony, avijacyjnyja padraździaleńni Rasijskaj Fiederacyi — zastajucca na terytoryi Biełarusi. Jany mohuć vykarystoŭvacca dla naniasieńnia rakietnych udaraŭ», — skazaŭ Skibicki.
Ale nastupleńnia suchaputnych padraździaleńniaŭ jon pakul nie čakaje:
«Kali kazać pra mahutnyja ŭdarnyja hrupoŭki, pierš za ŭsio rasijskija, jakija byli stvoranyja ŭ lutym pierad uvarvańniem, to takich prykmiet niama. Adnak my nie vyklučajem, što ŭ dalejšym, u zaležnaści ad pośpiechu, jaki budzie mieć praciŭnik na našaj terytoryi, mahčymaja pierahrupoŭka i ŭzmacnieńnie rasijskaj prysutnaści na terytoryi Biełarusi».
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj53
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary