U Ašmianach žychar Vilni trapiŭ u DTZ z matacyklistam: toj z traŭmami ŭ balnicy
17 lipienia kala 13.40 na vulicy Čyrvonaarmiejskaj u Ašmianach zdaryłasia avaryja z udziełam matacyklista.
73-hadovy žychar Vilni, kirujučy aŭtamabilem «Tajota», jechaŭ pa rajcentry ŭ bok vioski Budzionaŭka pa pravaj pałasie. U niejki momant jon vyrašyŭ paviarnuć naleva da kramy, ale rabić heta pačaŭ, nie zaniaŭšy krajniaha levaha stanovišča. U hety čas pa levaj pałasie ŭ spadarožnym napramku ruchaŭsia 25-hadovy žychar Ašmianskaha rajona na matacykle.
U vyniku niaŭvažlivaści, kiroŭca lehkavika sutyknuŭsia z matacyklistam. Paśla avaryi kiroŭcu matacykła špitalizavali sa šmatlikimi paškodžańniami.
Darečy, sam matacyklist pazbaŭleny prava kiravańnia za nieadnarazovaje pieravyšeńnie chutkaści. Bolš za toje, na praciahu tolki hetaha hoda jon užo pryciahvaŭsia da adkaznaści ŭ jakaści «biaspraŭnika» i piać razoŭ za inšyja parušeńni PDR. Matacykł techahlad nie prachodziŭ, dopusk da ŭdziełu ŭ darožnym ruchu kiroŭca nie atrymlivaŭ. A ŭ kiroŭcy aŭtamabila «Tajota» termin dziejańnia paśviedčańnia skončyŭsia jašče ŭ 2019 hodzie. A heta značyć, što jon taksama nie mieŭ prava na kiravańnie, paviedamlaje DAI Hrodzienskaj vobłaści.
Kamientary