Pientahon upieršyniu nie vyklučyŭ, što moža pastavić Ukrainie sučasnyja źniščalniki
Kaardynatar Rady nacyjanalnaj biaśpieki ZŠA pa stratehičnych kamunikacyjach Džon Kirbi zajaviŭ, što Pientahon pačaŭ papiaredniuju acenku mahčymaści pieradačy Ukrainie sučasnych źniščalnikaŭ. Pra heta Kirbi paviedamiŭ u piatnicu na zakrytym bryfinhu dla ŚMI.
Pavodle słoŭ čynoŭnika, Ministerstva abarony ZŠA robić «peŭnuju papiaredniuju acenku metazhodnaści patencyjnaj pieradačy Ukrainie źniščalnikaŭ». U toj ža čas pradstaŭnik Biełaha doma zaznačyŭ, što heta nie adbudziecca chutka z ulikam taho, nakolki składanyja hetyja samaloty ŭ kiravańni.
«Intehravańnie i kiravańnie lubym samalotam, asabliva ŭdaskanalenym źniščalnikam — składanaja reč», — dadaŭ Kirbi.
Kamientujučy pytańnie terminaŭ pieradačy Ukrainie sučasnych źniščalnikaŭ, jon padkreśliŭ, što havorka idzie tolki pra papiaredniuju acenkk i «heta nie toje, što adbudziecca ŭ najbližejšy čas».
Da hetaha ZŠA kateharyčna adprečvali ŭsialakuju mahčymaść pieradačy Ukrainie zachodnich samalotaŭ, zamiest hetaha zasiarodžvajučysia na pošukach pa ŭsim śviecie reštkaŭ savieckaj avijacyi.
Raniej stała viadoma, što Złučanyja Štaty i sajuźniki pačynajuć vyvučać mahčymaść navučańnia ŭkrainskich piłotaŭ u ramkach doŭhaterminovych namahańniaŭ, kab patencyjna dapamahčy Kijevu stvaryć abnoŭlenyja Vajenna-pavietranyja siły.
Pra heta stała viadoma praź niekalki dzion paśla taho, jak zakanadaŭcy ŭ Pałacie pradstaŭnikoŭ padtrymali rašeńnie, jakoje, kali jano pieraadoleje inšyja pieraškody, dazvolić vydzielić 100 miljonaŭ dalaraŭ na navučańnie ŭkrainskich piłotaŭ i technikaŭ bajavych samalotaŭ ZŠA.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary