Prajekt sinahohi ŭ Minsku
18-hadovy Maćviej ź dziacinstva byŭ zacikaŭleny ŭ architektury.
«Apošnim časam pačaŭ šmat čytać pra biełaruskuju spadčynu i jaje sučasny stan. Hod tamu staŭ rabić takija 3D-madeli. Znachodžu staryja malunki, čarciažy, jakija zachavalisia. Byvaje, što niekatoryja ź ich składana znajści, niama dostupu da archiva. Tamu ŭ asnoŭnym šukaju ŭ internecie», — kaža jon.
Kałožskaja carkva ŭ Hrodnie
Madelavańniu chłopiec vučyŭsia sam, hladzieŭ videaŭroki.
«Ja vučusia na prahramista. Tolki pačynaju, ale dastatkova chutka razabraŭsia ŭ madelavańni. Uvohule być architektaram nie chacieŭ, bo heta padajecca zanadta dla mianie ciažkim.
Na adnu vialikuju madel u mianie sychodzić tydzień, na maleńkuju — dva dni. Kali jość žadańnie heta rabić, to składanaściej niama».
Kaścioł Śviatoha Stanisłava ŭ Mahilovie
Dzie možna vykarystoŭvać hetyja pracy, student pakul nie zadumvaŭsia.
«Mnie cikava, kab bolš ludziej takim čynam daviedalisia pra architekturnuju spadčynu ŭ Biełarusi. Pra niekatoryja cerkvy, naprykład, ja i sam nie viedaŭ. U płanach zrabić vialikuju madel hałoŭnaj płoščy ŭ Viciebsku».
Kaścioł Najśviaciejšaj Panny Maryi, Harodnia
Maćviej źbirajecca pracavać pa prafiesii, ale jaho mara nie tolki rabić madeli, ale taksama adnaŭlać budynki.
3D-madeli Maćvieja možna pahladzieć tut i tut.