Z pačatku vajny va Ukrainie zahinuła 5327 mirnych žycharoŭ, jašče 7257 čałaviek byli paranienyja. Pra heta paviedamlaje Upraŭleńnie viarchoŭnaha kamisara AAN pa pravach čałavieka.
Siarod zahinułych — 2056 mužčyn, 1400 žančyn, 146 dziaŭčat i 165 chłopčykaŭ. Poł jašče 41 zahinułaha dziciaci i 1519 darosłych ustanavić nie ŭdałosia, adznačyli va ŭpraŭleńni.
Na terytoryjach Danieckaj i Łuhanskaj abłaściej, jakija kantraluje ŭkrainski ŭrad, byli zabityja 2897 mirnych žycharoŭ, jašče 2905 paciarpieli. Na terytoryi, jakaja kantralujecca ŭzbrojenymi hrupami, źviazanymi z Rasijaj, zahinuŭ 251 čałaviek, ranieńni atrymali 992 cyvilnyja asoby.
Pryčynaj bolšaj častki zafiksavanych vypadkaŭ hibieli abo ranieńnia mirnych žycharoŭ było prymianieńnie vybuchovych pryład z šyrokaj zonaj źniščeńnia, u tym liku abstreły ź ciažkaj artyleryi i reaktyŭnych sistem załpavaha ahniu, a taksama rakietnyja i avijaŭdary.
«Pavinien vyjści Pačobut». Polski ministr Sikorski znoŭ zahavaryŭ pra mahčymaje zakryćcio miažy dla hruzaŭ14
Kamientary