Rasijskamu spartyŭnamu błohieru pahražaje kryminalnaja sprava za rolik z ukrainskimi futbalistami
Deputat Dziarždumy Raman Cieruškoŭ apublikavaŭ adkaz palicyi Maskvy na zvarot nakont rolikaŭ spartyŭnaha błohiera Jaŭhiena Savina «KraSavy», jakoha deputat nazyvaje ŭkrainskim prapahandystam.
Pravaachoŭniki znajšli ŭ vypuskach prykmiety złačynstva pa artykułach za «fejki» i «dyskredytacyju» ŭzbrojenych sił Rasii.
Materyjały pieradali ŭ Śledčy kamitet, jaki budzie vyznačać, ci treba raspačynać kryminalnuju spravu.
U krasaviku ŭ Savina vyjšaŭ rolik, dzie jon abmiarkoŭvaje vajnu z ukrainskimi futbalistami i biežancami. Tady błohier zajaviŭ, što pamiž stracham i sumleńniem jon vybiraje sumleńnie.
Z-za svajoj pazicyi KraSava byŭ vymušany źjechać z Rasii.
Paśla vybaraŭ u Biełarusi błohier rabiŭ videa pra represii ŭ biełaruskim sporcie, hibiel Mikity Kryŭcova i pieraśled Alaksandra Ivulina.
«Pavinien vyjści Pačobut». Polski ministr Sikorski znoŭ zahavaryŭ pra mahčymaje zakryćcio miažy dla hruzaŭ14
Kamientary