Kaścium i mašynu ŭziaŭ u baćki. Što za chłopiec «pradaje» aŭtamabil u tyktoku
Maładoha čałavieka, jaki źniaŭ virusny rolik pra «jak kula rezkaje» aŭto z «pieradavymi sistemami biaśpieki» ŭ vyhladzie abrazoŭ, zavuć Jarasłaŭ. Jamu 15 hadoŭ, jon z Homielščyny, raskazvaje prajekt «1906».
Jarasłaŭ ź vioski Cierachoŭka. Jak vyśvietliłasia, chłopiec nie źbirajecca pradavać «Aŭdzi» svajho baćki. Jon uziaŭ mašynu i kaścium u jaho ŭ jakaści rekvizitu, kab źniać tyktok.
«Čiotkaja, dierzkaja, kak pula riezkaja». U tyktoku zrabiŭ furor rolik biełarusa, jaki niezvyčajna pradaje mašynu
Jarasłaŭ zrabiŭ parodyju na viadomaha tyktokiera Alaksieja Ivanova. Toj zdymaje roliki, u jakich niezvyčajna pradaje inšamarki. Voś i chłopiec vyrašyŭ zrabić padobnaje videa tolki ŭ biełaruskich realijach.
Jarasłavu padabajucca mašyny, u budučyni jon maryć nabyć sabie «Aŭdzi» RS6.
Taksama dniami biełarus vypuściŭ roliki, u jakich jon pradaje samarobny rovar i traktar. Tam źjaŭlajecca novy rekvizit — čamadan, jaki chłopiec znajšoŭ doma na šafie, i soniečnyja akulary, jakija byli modnyja ŭ nulavych.
«Tut ustalavanaja sistema piedaliravańnia mahutnaściu adna čałaviečaja siła», — nachvalvaje jon «spartkar» — samarobny rovar z prykručanaj skotčam kałonkaj.
Sam kreatyŭščyk nie čakaŭ, što jaho rolik stanie virusnym. Jarasłaŭ budzie praciahvać zdymać tyktoki.
Kamientary