Handbolnaha treniera z Zelvy Michaiła Michutu asudzili na 5 hadoŭ «chatniaj chimii» za reposty i kamientaryi pra Łukašenku
Sud Zelvienskaha rajona vynies rašeńnie pa spravie adnaho z samych paśpiachovych handbolnych trenieraŭ krainy — Michaiła Michuty, jakoha abvinavačvali ŭ abrazie Łukašenki (č. 1 i č. 2 art. 368) i paklopie ŭ dačynieńni da jaho ž (č. 2 art. 367). Spravu spartoŭca razhladała sudździa Lucyja Žuk, piša «Viasna».
Zhodna ź viersijaj abvinavačvańnia, u červieni 2020 hoda ŭ sacsietcy ŭkantakcie Michaił zrabiŭ niekalki repostaŭ, jakija «abrazili honar i hodnaść Łukašenki ŭ suviazi z ažyćciaŭleńniem im paŭnamoctvaŭ, uskładzienych na jaho Kanstytucyjaj Biełarusi, a taksama nanieśli škodu aŭtarytetu dziaržaŭnaj ułady».
U adnym z repostaŭ utrymlivalisia nastupnyja słovy: «Suśvietnaj supolnaści terminova nieabchodna pryniać miery pa niejtralizacyi asabliva niebiaśpiečnaha złačyncy [Łukašenki]». U druhim była raźmieščanaja šaržavaja vyjava Łukašenki, na jakoj jon vyhladaŭ aryštantam.
U svoj čas u składzie kamandy BDUFK Michaił Michuta rabiŭsia čempijonam Jeŭropy i vice-čempijonam śvietu siarod studentaŭ. Jon taksama rodny plamieńnik słavutaha handbalista Uładzimira Michuty, jaki trojčy vyjhravaŭ čempijanat i Kubak SSSR u składzie minskaha SKA, a ŭ 1983-m zavajavaŭ pieršy mižnarodny trafiej kłubnaha handboła Biełarusi — Kubak uładalnikaŭ kubkaŭ JEHF.
Łukašenka pamiłavaŭ eks-kiraŭnika svajoj achovy Uciuryna6
Kamientary