U Viciebsku zatrymali Barysa Chamajdu. Jon admoviŭsia źniać miedaljon z «Pahoniaj»
Barys Chamajda 25 žniŭnia pryjšoŭ u sud, kab padtrymać žurnalistku Taćcianu Maćviejevu, jakuju sudzili pa abvinavačvańni ŭ niesankcyjanavanym pikietavańni i dali vosiem sutak aryštu, paviedamlaje BAŽ.
Miedaljon z hierbam «Pahonia» na čyrvonaj stužcy raspaŭsiudžvalnik niezaležnaj presy i najstarejšy viciebski apazicyjanier Barys Chamajda nosić štodzień. Raniej u milicyi nie było pretenzij da źniešniaha vyhladu spadara Barysa, tamu dla jaho było całkam niečakanym, što ŭ sudzie Kastryčnickaha rajona «Pahoniu» zahadali źniać.
Kala pasta dziažurnaha Barysa Chamajdu spyniŭ supracoŭnik Kastryčnickaha RAUS Uładzisłaŭ Šyškaviec — toj samy, što skłaŭ administracyjny pratakoł na žurnalistku.
Milicyjant zapatrabavaŭ, kab Chamajda źniaŭ miedaljon, toj admoviŭsia i sprabavaŭ patłumačyć milicyjantu, što nosić jaho štodnia. A hałoŭnaje — što vyjava «Pahoni» nie źjaŭlajecca zabaronienaj, i jana jość navat na hierbie Viciebskaj vobłaści. Adno što tam jana — na zialonym fonie, a ŭ Barysa Chamajdy — na čyrvonym.
Uładzisłaŭ Šyškaviec vyklikaŭ słužbovuju mašynu, i aktyvista pavieźli ŭ pastarunak.
Prysutnyja na sudzie pa spravie Taćciany Maćviejevaj pryhadali, što na pačatku minułaha pasiadžeńnia Barys Chamajda nie padniaŭsia z łaŭki ŭ toj momant, kali zajšoŭ sudździa. U adkaz na pytańnie, čamu jon nie ŭstaje, 74-hadovy apazicyjanier skazaŭ, što jamu balać nohi. Tyja, chto byŭ pobač, dapamahli stałamu čałavieku padniacca, i incydent byŭ vyčarpany. Ale jaho, mahčyma, zapomniŭ milicyjant Uładzisłaŭ Šyškaviec. Vierahodna, jon čakaŭ źjaŭleńnia Chamajdy na nastupnym pasiadžeńni, i miedaljon z «Pahoniaj» staŭ nahodaj dla zatrymańnia.
Siabry čakali, što Barysa Chamajdu adpuściać z pastarunka, bo zatrymańnie za miedaljon šmat kamu padałosia biespadstaŭnym. Ale ŭviečary na volu aktyvist tak i nie vyjšaŭ.
Jaho mabilny telefon adklučany. Atrymać niejkuju infarmacyju pra spadara Chamajdu prablematyčna: jon nie maje siamji, a paviedamlać niešta starońnim ludziam u milicyi admaŭlajucca. Vierahodna, što Barysa buduć sudzić, ale što jamu staviać u vinu, pakul nieviadoma.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary