KDB ciśnie na svajakoŭ namieśnika kamandzira pałka Kalinoŭskaha Vadzima Kabančuka
Pieršaj achviaraj staŭ 32-hadovy stryječny brat Vadzima Siarhiej Frančuk, paviedamlaje «Viasna».
Jak paviedamiła maci Vadzima Taisija Kabančuk, jaho zabrali z kvatery baćkoŭ u Babrujsku, dzie jon žyŭ apošnim časam. 9 žniŭnia, kali baćki Siarhieja byli na dačy, 5 čałaviek ź minskaha AMAPa ŭvarvałasia ŭ kvateru, udaryli Siarhieja pistaletam pa hałavie, praviali vobšuk, zabrali mabilny telefon, noŭtbuk i ŭłasna Siarhieja Frančuka.
Mužčyna byŭ asudžany na 15 sutak nibyta za niepadparadkavańnie. Ale śpiecsłužby cikaviŭ Vadzim Kabančuk. Było zapisana pakajannaje videa, dzie Frančuk pryznajecca, što ŭdzielničaŭ u akcyjach pratestu 2020 hoda i pisaŭ kamientaryi ŭ «ekstremisckich» telehram-čatach. Łob Siarhieja byŭ zaklejeny.
23 žniŭnia paśla zakančeńnia 15 sutak Siarhiej Frančuk na volu nie vyjšaŭ. Jamu vystavili abvinavačvańnie pavodle art.342 KK RB.
Taksama za hety čas na dopyt u KDB vyklikali stryječnuju siastru Vadzima Kabančuka z mužam. Ich taksama raspytvali pra toje, što jany viedajuć pra Vadzima.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary