U jakoj krainie biełarusy najradziej sutykajucca z dyskryminacyjaj? Voś što pakazała daśledavańnie

Daśledavańnie pravodziłasia biełaruskimi niezaležnymi sacyjołahami pry padtrymcy Fondu Frydrycha Ebierta, ankiety raspaŭsiudžvalisia ŭ sacsietkach.

99% apytanych nie ŭchvalajuć dziejańni Łukašenki i jaho ŭrada. Kala 95% padtrymlivajuć Ukrainu ŭ vajnie, astatnija niekalki pracentaŭ — nivodny z bakoŭ.

Bolšaść ličyć, što vina ŭ raspačataj vajnie lažyć na Rasii — takich 94-97% u zaležnaści ad krainy emihracyi. Razam z tym bačać tut i vinu Biełarusi — pra heta kazali 34-42%.

Bolš za 70% apytanych rełakantaŭ adkazali, što dapamahali ŭkraincam. Samyja častyja formy padtrymki — udzieł u mitynhach i akazańnie finansavaj padtrymki.

Pavialičyć

Kolki biełarusaŭ za miažoj sutykałasia z dyskryminacyjaj asabista? U Polščy heta 31% apytanych biełarusaŭ, u Litvie — 16%, u Hruzii — 39%.

Jość niekalki mierkavańniaŭ, čamu ŭ Litvie dyskryminacyja mienšaja. Sacyjołah i adzin z aŭtaraŭ daśledavańnia Filip Bikanaŭ kaža, što ŭ Vilni, dzie asiadaje bolšaść emihrantaŭ u Litvu, ščylnaje kamjunici biełarusaŭ, za miežy jakoha možna asabliva nie vychodzić. Da taho ž u Litvie bolš razumieńnia ŭnutranych pracesaŭ Biełarusi i taho, što adbyvałasia ŭ našaj krainie paśla 2020 hoda.

Pavialičyć

Tyja, chto sutykaŭsia za miažoj z dyskryminacyjaj, adznačyli, što čaściej heta tyčyłasia słoŭnych abraz ad nieznajomcaŭ, admovy pry absłuhoŭvańni ŭ banku, admovy ŭ arendzie žytła. Dla Hruzii charakternaje taksama zavyšeńnie cen na tavary i pasłuhi dla biełarusaŭ.

Pavialičyć

U Polščy z dyskryminacyjaj čaściej sutykajucca z boku ŭkraincaŭ, u Hruzii i Litvie — z boku miasovaha nasielnictva. Ale reahujuć bolš vostra biełarusy na słovy ŭ svoj bok ad ukraincaŭ.

Pavialičyć

U Hruzii, zaŭvažaje sacyjołah Natalla Rabava, siarod rełakantaŭ vialikaja dola mužčyn-ajcišnikaŭ. Napružanaja situacyja tam była ŭ sakaviku-krasaviku, kali chłynuŭ patok emihrantaŭ (biełarusaŭ i rasijan) i ceny na arendu žylla ŭźlacieli. Nakładajecca taksama staŭleńnie hruzinaŭ da Rasii praz papiarednija kanflikty ŭ rehijonie. Chadzili navat čutki pra toje, što ŭ Hruziju mohuć zasyłacca pradstaŭniki rasijskich śpiecsłužb, što naściarožvała arandadaŭcaŭ.

Kiraŭnik Freedom House Vicis Jurkonis adznačyŭ, što patok biełarusaŭ, jakija ŭjazdžajuć u Litvu pa pravaabarončaj linii, raście. Ciapier nijakich pieraškod dla ŭjezdu i atrymańnia vizy z humanitarnych pryčyn niama — admienienyja tolki tyja vizy, dzie padstavaj dla vydačy źjaŭlajecca turyzm.

• 17
• 0
• 2
• 7
• 15
• 35
• 4
• 0