Łukašenka pachvaliŭsia, što biełaruskija samaloty Su-24 mohuć nieści jadziernuju zbroju. Ale ich śpisali jašče 10 hod tamu
Padčas naviedvańnia pradpryjemstva «BiełOMA» Łukašenka vykazaŭsia pra mahčymaść atrymańnia Biełaruśsiu jadziernaj zbroi.
«Jany pavinny razumieć, što nijakija viertaloty, samaloty, kali jany pojduć na abvastreńnie, ich nie vyratujuć. My kaliści z Pucinym u Piciery zajavili, što pieraabstalujem i biełaruskija samaloty Su-24 dla taho, kab jany mahli nieści jadziernuju zbroju. Vy što, dumajecie, my jazykom lapajem? Usio hatova», — zajaviŭ Łukašenka
Adnak Su-24 byli vyviedzienyja sa składu Uzbrojenych sił Biełarusi jašče ŭ 2012 hodzie. Pryčynaj staŭ ich znos, źviartaje ŭvahu «RBK».
«Vy viedajecie, što ŭ avijacyi jość takoje paniaćcie — lotny resurs. Pavodle płaniora i pa ruchaviku, — raspaviadaŭ tady ministr abarony krainy hienierał-lejtenant Juryj Žadobin. — Samaloty byli ŭžo nie pieršaj śviežaści. Kali my padličyli, što ž tańniej, to pryjšli da vysnovy, što praściej admovicca ad parka hetych samalotaŭ, pakolki ciahnuła vielmi vialikuju finansavuju nahruzku. Tamu latalnyja aparaty, jakija zastavalisia, ich nie tak šmat zastavałasia, byli vyviedzienyja sa składu Uzbrojenych sił. Nu a dalej u nas jość adpaviednyja dziaržaŭnyja struktury, jakija buduć vyrašać, što ź imi rabić».
Vytvorčaść usich madyfikacyj Su-24 zaviaršyłasia ŭ 1993 hodzie.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
Staŭ sklaroz, čaho niama pomniu...