Hałoŭčanka: Pahadnieńnie ab vykarystańni partoŭ jašče nie zavieršanaje
Premje-ministr Biełarusi raspavioŭ, jak prasoŭvajucca pieramovy z Maskvoj pa pieravałcy biełaruskich hruzaŭ praz rasijskija party.
Pra heta raspavioŭ premjer-ministr Raman Hałoŭčanka, jaki siońnia sustreŭsia sa svaim rasijskim kaleham Michaiłam Mišuścinym.
— Pahadnieńnie pa pašyreńni vykarystańnia partoŭ RF dla transparciroŭki biełaruskich hruzaŭ taksama znachodzicca ŭ finalnaj stadyi hatoŭnaści. Heta značyć, my atrymlivajem harantavanyja pravaznyja mahutnaści praz terytoryju RF, u tym liku ŭ paŭdniovyja party, — skazaŭ Raman Hałoŭčanka. — Pa paŭnočnym partam u nas usio vyrašana, a ciapier pašyrajemsia na poŭdzień. Heta taksama važna, bo jomistaść našych hruzaŭ dastatkova vysokaja, treba zamacavać svajo miesca tam.
Raniej, u červieni hetaha hoda, Minsk i Maskva damovilisia, što Biełaruś zmoža ekspartavać svaje naftapradukty praz usie rasijskija party. Raniej takija damoŭlenaści praduhledžvali, što biełaruskija hruzy pastaŭlajucca praz party paŭnočna-zachodniaha rehijona Rasii.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary