Žychara Kalinkavičaŭ buduć sudzić za fota vajskovaj techniki. Jamu pahražaje da siami hadoŭ źniavoleńnia
Prakuratura Homielskaj vobłaści pieradała ŭ sud kryminalnuju spravu ŭ dačynieńni da 33-hadovaha žychara Kalinkavičaŭ. Jaho abvinavačvajuć u pieradačy zdymkaŭ rasijskaj vajskovaj techniki «ekstremisckamu» telehram-kanału i ŭ zaklikach da parušeńnia pracy čyhunki na pačatku vajny z Ukrainaj.
Pra heta paviedamlaje pres-słužba prakuratury
Pavodle materyjałaŭ spravy, u kancy lutaha 2022 hoda mužčyna raźmiaściŭ infarmacyjnaje videa ŭ telehram-kanale (napeŭna, čacie), jaki pryznany «ekstremisckim farmavańniem». U videa byli rekamiendacyi pa parušeńni pracy čyhunki i siłavych orhanaŭ. Takim čynam, pavodle abvinavačvańnia, mužčyna zaklikaŭ da takich dziejańniaŭ i arhanizoŭvaŭ ich.
Akramia taho, u lutym-sakaviku mužčyna rabiŭ fota i videa vajskovaj techniki, transpartu i roznych abjektaŭ u Kalinkavičach i inšych miescach Biełarusi, a taksama zafiksavaŭ maršrut pieramiaščeńnia vajskovych kałon pa vulicach i trasach Homielskaj vobłaści.
«Dla zabieśpiačeńnia dziejnaści telehram-kanała, infarmacyjnaja pradukcyja jakoha pryznanaja sudom ekstremisckimi materyjałami, raźmiaściŭ na im atrymanyja fajły ŭ vyhladzie paviedamleńniaŭ», — paviedamlaje Hienprakuratura.
Abvinavačvańnie žycharu Kalinkavičaŭ było pradjaŭlenaje pa č. 1 art. 342 KK ab arhanizacyi i zaklikach da aktyŭnaha ŭdziełu ŭ hrupavych dziejańniach, jakija hruba parušajuć hramadski paradak, i pa č. 1 i 2 art. 361-4 ab sadziejničańni ekstremisckaj dziejnaści. Spravu rasśledavaŭ rajonny SK.
Ciapier materyjały pieradadzienyja ŭ sud. Mužčyna zastajecca pad vartaj u SIZA. Pa nazvanym abvinavačvańniam jamu pahražaje da siami hadoŭ pazbaŭleńnia voli.
Proźvišča mužčyny nieviadomaje.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary