Rasijanie napisali 144 835 danosaŭ nakont «dyskredytacyi druhoj armii śvietu»
Za paŭhoda rasijanie napisali bolš za 144 tysiačy danosaŭ — i heta tolki ŭ Raskamnahlad.
Bolšaja častka — skarhi na «fejki pra śpiecapieracyju», jakija raźmieščanyja ŭ internecie. Kolkaść danosaŭ-dopisaŭ vyrasła ŭdvaja, paviedamlaje thinktanks.by.
Z pačatku 2022 hoda ŭ Raskamnahlad RF pastupiła 144835 skarhaŭ. Heta na čverć bolš, čym za anałahičny pieryjad minułaha hoda. Bolšaść skarhaŭ byli aformlenyja ŭ elektronnym farmacie, paviedamlaje pres-słužba Raskamnahladu.
Bolš za ŭsio zvarotaŭ pastupiła ŭ sakaviku — 10 323. Heta amal u čatyry razy bolš za pakazčyki minułaha hoda.
Rasijanie skardzilisia na raźmieščanuju ŭ internecie «supraćpraŭnuju infarmacyju», u tym liku «fejki» ab praviadzieńni śpiecyjalnaj vajennaj apieracyi va Ukrainie. Skarhi na supraćpraŭnuju infarmacyju pačaścilisia za hod u dva razy.
«Čaściej za ŭsio hramadzianie źviartalisia ŭ Raskamnahlad z prośbaj vydalić spasyłki na resursy z praŭkrainskaj prapahandaj», — paviedamlajecca ŭ pres-relizie. Šmat skarhaŭ taksama było nakont abarony piersanalnych danych — bolš za 27 tysiač.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary