Na 1 vieraśnia hetaha hoda zapasy krup na pramysłovych pradpryjemstvach Biełarusi ŭ 3,6 raza pieravysili siaredniamiesiačny abjom vytvorčaści hetaj pradukcyi, zaznačajuć u Nacyjanalnym statystyčnym kamitecie.
U paraŭnańni z 1 vieraśnia 2008 hoda zapasy krup vyraśli ŭ 5,1 raza i skłali na 1 vieraśnia hetaha hoda 10,1 tys.t. Vyrablena ŭ studzieni‑žniŭni 23,9 tys.t krup, što na 1,9 pracenta bolš, čym za anałahičny pieryjad 2008 hoda.
U 3,2 raza pieravysili siaredniamiesiačny abjom vytvorčaści zapasy płodaaharodninnych kansiervaŭ.
Na 1 vieraśnia ich naźbirałasia na składach 79,5 młn. umoŭnych słoikaŭ. Zapasy cukru‑piasku dasiahnuli 51,6 tys.t, što składaje 145,6 pracenta da abjomu jaho siaredniamiesiačnaj vytvorčaści. Akramia taho, na składach znachodziłasia 252 tys. dał vinahradnych vin (160,9 pracenta), 49 tys. dał kańjaku (240,5 pracenta).
Pavodle źviestak Biełstata, u studzieni‑žniŭni pradpryjemstvy charčovaj pramysłovaści vyrabili pradukcyi na Br12,3 trłn., što na 2,1 pracenta bolš za ŭzrovień anałahičnaha pieryjadu minułaha hoda. U pryvatnaści, vytvorčaść miasa, uklučajučy subpradukty I katehoryi, uzrasła na 14,7 pracenta da 349,6 tys.t, śmietankovaha masła — na 19,6 pracenta da 83,6 tys.t, syroŭ — na 12,3 pracenta da 91,5 tys.t, harełki i likiora‑harełačnych vyrabaŭ — na 5,3 pracenta da 9,2 młn. dał, kańjaku — na 23,5 pracenta da 163 tys. dał. Vypusk biezałkaholnych napitkaŭ źniziŭsia na 5,3 pracenta, papiaros i cyharet — na 2,6 pracenta, naturalnamałočnaj pradukcyi (u pieraliku na małako) — na 1,9 pracenta.