Pačaŭsia pažar. AMAP razahnaŭ cikaŭnych.
Fota Der Schatten.
Tak vyhladaŭ dom da pažaru. Fota Harodnia.com
U žyłym domie na vulicy 17 vieraśnia ŭ Hrodnie adbyŭsia vybuch bytavoha hazu. U vyniku hetaha pačaŭsia pažar. Na jaho likvidacyju vyklikali navat «nievyjaznuju» čaść «Azotu», paviedamlaje Błoh Hrodno s13.
Ahoń achapiŭ uvieś dom. Pavodle vidavočcaŭ, vybuch adbyŭsia ŭžo paśla taho, jak pažar achapiŭ dom. U metach biaśpieki miesca pažaru ačapili milicyjanty, jany adahnali ad domu cikaŭnych — u domie mahli zastacca cełyja bałony z hazam. Na miesca zdareńnia pryjechała avaryjnaja hazavaja słužba.
Darečy, takoje voś supadzieńnie — mienavita hety dom ułady mieli zburyć sioleta ŭ vieraśni. Dom znachodzicca ŭ rajonie «Novy śviet», dzie pieravažaje draŭlanaja zabudova. Za hety rajon nie pieršy hod zmahajucca z uładami nieabyjakavyja hrodziency.
***
Atrymać infarmacyju z aficyjnych krynic pakul nie ŭdajecca — telefony hrodzienskaha haradskoha ŭpraŭleńnia MNS maŭčać.
***
Pa słovach hrodzienskaha historyka Andreja Vaškieviča, dom, u jakim siońnia adbyŭsia pažar, ujaŭlaje saboj kaštoŭny pomnik draŭlanaj architektury. Jon byŭ zbudavany ŭ 1912 hodzie, tam raźmiaščałasia piakarnia. «Dom byŭ na dziesiać kvateraŭ, u dosyć narmalnym stanie. Jaho źbiralisia znosić, ale nie znajšli hrošy. Dyj žychary adtul nie śpiašalisia vysialacca», — kaža historyk.
