ZŠA admovili ŭ vizach Siarhieju Łaŭrovu i 55 členam delehacyi dla pajezdki na Hienasambleju AAN
Rasija zapytała ŭ ZŠA 56 vizaŭ, kab delehacyja na čale ź ministram zamiežnych spravaŭ Siarhiejem Łaŭrovym zmahła paŭdzielničać u štohadovaj siesii Hienieralnaj asamblei AAN. Amieryka admoviła ŭ vizach usim čalcam delehacyi.
Pasoł Rasii ŭ AAN Vasil Niebienzia napisaŭ list hienieralnamu sakrataru AAN Antoniu Huteryšu, u jakim paskardziŭsia na niavydaču vizaŭ Łaŭrovu i jahonaj kamandzie. U liście havorycca, što Złučanyja Štaty ciaham niekalkich apošnich miesiacaŭ «pastajanna admaŭlali va ŭjaznych vizach» šerahu rasijanam, jakija nakiroŭvalisia na mierapryjemstvy AAN. Heta ŭ rasijskaha ambasadara «vyklikaje tryvohu».
Pradstaŭnik Dziarždepu ZŠA prakamientavaŭ Reuters, što, u adpaviednaści z amierykanskim zakanadaŭstvam, vizavyja zapisy — kanfidencyjnyja, tamu jon nie moža ničoha raspavieści pra situacyju z toj ci inšaj asobaj. Adnačasova čynoŭnik zaznačyŭ, što ZŠA surjozna staviacca da svaich abaviazalnictvaŭ u jakaści dziaržavy, u jakoj prachodzić pasiedžańnie Hienasamblei AAN i tamu mohuć admović u vydačy vizaŭ zamiežnych dypłamatam ź mierkavańniaŭ biaśpieki i vonkavaj palityki.
Akramia taho, ZŠA ŭžo daŭno zabaranili rasijskim dypłamatam AAN, a taksama delehacyjam z RF adjazdžać ad Ńju-Jorku na adlehłaść bolšuju za 25 milaŭ (40 kiłamietraŭ) biez papiaredniaha dazvołu Vašynhtona.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary