KNDR pryniała zakon ab palitycy ŭ dačynieńni da jadziernych uzbrojenych sił. Takim čynam, Pchieńjan faktyčna abviaściŭ siabie jadziernaj dziaržavaj.
Asnoŭnaj misijaj jadziernych sił KNDR nazvana dać «varožym siłam dakładna ŭśviadomić, što vajennaja kanfrantacyja z KNDR pryniasie hibiel, i ŭstrymacca ad sprob da ahresii i nastupu, u vyniku čaho strymać vajnu».
Jadziernyja siły padparadkoŭvajucca adzinamu kamandavańniu staršyni dziaržaŭnych spraŭ KNDR. Jon upaŭnavažany vyrašać usie pytańni, źviazanyja ź jadziernaj zbrojaj.
«U vypadku stvareńnia pahrozy dla sistemy kamandavańnia i kantrolu nad dziaržaŭnymi jadziernymi ŭzbrojenymi siłami ad ataki varožych sił aŭtamatyčna i nieadkładna nanosicca pavodle papiarednie składzienaha apieratyŭnaha płana jadzierny ŭdar dla źniščeńnia varožych sił, uklučajučy krynicu pravakacyi i jaje kamandny punkt», — havorycca ŭ zakonie.
Taksama prapisanyja vypadki prymianieńnia jadziernaj zbroi:
ździajśnieńnie abo dapuščeńnie ab nabližeńni ataki z dapamohaj JAZ abo inšaj zbroi masavaha źniščeńnia suprać KNDR.
Ździajśnieńnie abo dapuščeńnie ab nabližeńni jadziernaj i niajadziernaj ataki varožych sił suprać kiraŭnictva dziaržavy i struktury kamandavańnia dziaržaŭnymi jadziernymi ŭzbrojenymi siłami.
Ździajśnieńnie abo dapuščeńnie ab nabližeńni śmiarotnaj vajennaj ataki na važnyja stratehičnyja abjekty dziaržavy.
Nieabchodnaść praduchileńnia pašyreńnia i zaciahvańnia vajny, praviadzieńnia apieracyj pa ŭziaćci inicyjatyvy ŭ vajnie.
U niepaźbiežnym vypadku, kali možna reahavać tolki JAZ na ŭźniknieńnie inšych abstavin, jakija vyklikajuć katastrafičny kryzis dla isnavańnia krainy, biaśpieki žyćcia naroda.
KNDR pry hetym prymaje na siabie abaviazacielstvy pa nieraspaŭsiudžvańni jadziernych technałohij i jadziernaj zbroi.
Kamientary