Ukrainskija vojski zaniali Siańkova, daroha Izium—Kupiansk pierarezanaja
Pakul niajasna, ci piarojduć ukraincy pa zachoplenym moście na levy bierah raki Askoł. Kali ŭ ich jość dla hetaha reziervy, stvorycca vierahodnaść poŭnaha akružeńnia vialikaha rasijskaha złučeńnia ŭ rajonie Iziuma.
Ukrainskija vojski zaniali vialikaje siało Siańkova, daroha Izium—Kupiansk pierarezanaja. Pra heta paviedamlajuć rasijskija telehram-kanały. U Siańkovie jość most na levy bierah raki Askoł, jon apynuŭsia pad ukrainskim kantrolem.
Nastupalnaja apieracyja ŭkrainskaj armii adbyvajecca pamiž rekami Sievierski Daniec i Askoł, jakija abmiažoŭvajuć mahčymaści braniatechniki.
Askoł — prytok Danca, šyroki ŭ rajonie Askolskaha vadaschovišča.
Z zachopam Siańkova, a ekśpierty prahnazujuć, što ŭ najbližejšyja dni ŭkrainskija vojski mohuć zaniać i 50-tysiačny Kupiansk, pad kantrol ukrainskaj armii pierachodzić daroha Kupiansk—Izium, jakaja była hałoŭnaj arteryjaj zabieśpiačeńnia značnaj Iziumskaj hrupoŭki rasijskich vojskaŭ, što navisaje nad Słavianskam. Paśla hetaha ŭ rasparadžeńni rasijskich vojskaŭ zastanucca tolki horšyja, druhasnyja darohi cieraz raku Askoł, masty na jakich mohuć stać lohkimi celami dla ŭkrainskich «Chajmarsaŭ».
Imavierna, kali ŭkrainskija vojski ŭtrymajuć Siańkova i voźmuć Kupiansk, rasijanie vymušanyja buduć adstupić ź Iziuma i Śviatahorska, što źnimie pahrozu sa Słavianska i Kramatorska.
U toj ža čas, kali ŭkrainskaja armija maje dastatkova reziervaŭ, jana moža pasprabavać zamknuć vialikaje kołca vakoł Iziuma na levym bierazie Askoła. Hałoŭnaje pytańnie — u avijacyi i supraćpavietranaj abaronie. Rasija maje tatalnuju pieravahu ŭ pavietry, tamu ŭkrainskija vojski vymušanyja nastupać pavoli, padciahvajučy najaŭnyja ŭ ich niešmatlikija procipavietranyja kompleksy.
Aficyjna pra vyzvaleńnie Siańkova ŭkrainskaje kamandavańnie pakul nie paviedamlała. Učora ŭkrainski ściah byŭ uźniaty nad horadam Bałakleja. Rasijski harnizon z horada źbieh u kirunku Iziuma.
Čytajcie taksama: Pahladzicie, jak ukraincy ŭ Charkaŭskaj vobłaści sustrakajuć vyzvalicielaŭ VIDEA
Ciapier čytajuć
Lavončyk: Mielnikava vylecieła ŭ Łondan i, nie zatrymlivajučysia, vylecieła z Łondana — heta 100-pracentna8
Kamientary
Nužno maksimalno bystro sformirovať vniešnieje kolco mieždu vodochraniliŝ i zakopaťsia tam, a vnutrieńnim obžimať iziumskuju hruppirovku maksimalno južnieje.
Inačie v łučšiem słučaje oni prosto ujdut čieriez Liman, a v chudšiem naniesut kontrudary, poka udarnaja hruppa vozitsia s Kupianskom.