Jeŭradeputaty zaklikali ES skaracić kolkaść biełaruskich dypłamataŭ paśla zatrymańnia Šulc u Minsku
Jeŭradeputaty zaklikali Jeŭrasajuz skaracić kolkaść biełaruskich dypłamataŭ u Brusieli i stalicach jeŭrapiejskich dziaržaŭ u suviazi z zatrymańniem u Minsku časovaha pavieranaha ŭ spravach JEZ u Biełarusi Evieliny Šulc.
Staršynia delehacyi pa suviaziach ź Biełaruśsiu, deputat Jeŭraparłamienta Juozas Alekas i pastajanny dakładčyk Jeŭraparłamienta pa Biełarusi Piatras Aŭštravičus zaklikali «imkliva skaracić kolkaść biełaruskich dypłamataŭ, akredytavanych u Brusieli i inšych jeŭrapiejskich stalicach», a taksama pierahledzieć svaju dypłamatyčnuju prysutnaść u Biełarusi.
— Hetaja aburalnaja pravakacyja — pramy fizičny napad na akredytavanaha dypłamata — jašče adno śviedčańnie taho, što režym Łukašenki nie spyniajecca ni pierad čym na svaim destruktyŭnym šlachu, navat kali heta aznačaje pastavić pad pahrozu toje, što zastałosia ad dypłamatyčnych adnosin z susiedziami, — havorycca ŭ sumiesnaj zajavie.
Jeŭradeputaty zajavili, što zatrymańnie jeŭrapiejskaha dypłamata — heta parušeńnie mižnarodnych dahavoraŭ, ratyfikavanych Biełaruśsiu, u tym liku Vienskaj kanviencyi ab dypłamatyčnych znosinach.
Evielinu Šulc zatrymali paśla prysudu pa spravie Marfy Rabkovaj i jašče dzieviaci čałaviek i pratrymali niekalki hadzin u milicyi.
Kamientary