ISW: Ukraina pierałamała chod vajny, ale jana, chutčej za ŭsio, zaciahniecca da 2023 hoda
Ukrainskija vojski nanieśli bujnoje paražeńnie Rasii, advajavaŭšy amal usiu Charkaŭskuju vobłaść u chodzie chutkaha kontrnastupleńnia, pišuć u śviežaj zvodcy ekśpierty amierykanskaha Instytuta vyvučeńnia vajny (ISW). Hety pośpiech staŭ vynikam kampanii, jakaja ŭklučaje maksimalnaje vykarystańnie zachodnich sistem uzbrajeńnia.
Praciahłaje abmierkavańnie, a zatym abviaščeńnie Kijeva ab kontrnastupnaj apieracyi, nakiravanaj na Chiersonskuju vobłaść, adciahnuła rasijskija vojski ad siektaraŭ, na jakich ukrainskija siły praviali vyrašalnyja ataki ŭ apošnija niekalki dzion.
Uzbrojenyja Siły Ukrainy ŭžyli HIMARS i inšyja zachodnija sistemy dla napadaŭ na rasijskija naziemnyja linii suviazi ŭ Charkaŭskaj i Chiersonskaj abłaściach, stvaryŭšy ŭmovy dla pośpiechu apieracyi.
Ukrainskija ŭłady demanstratyŭna abmiarkoŭvali ŭdary na poŭdni, paśpiachova uvodziačy rasijanaŭ u zman adnosna svaich namieraŭ u Charkaŭskaj vobłaści.
Ciapierašniaje kontrnastupleńnie nie pakładzie kaniec vajnie, adznačajuć ekśpierty ISW. Kampanija na paŭnočnym uschodzie Ukrainy ŭ vyniku zavieršycca, što dazvolić rasijskim vojskam adnavić ustojlivuju abarončuju liniju i, mahčyma, navat pravieści łakalnyja kontrataki.
Ukrainie daviadziecca pačynać novyja kontrnastupnyja apieracyi, kab zaviaršyć vyzvaleńnie akupavanaj Rasijaj terytoryi, u suviazi z hetym vajna, chutčej za ŭsio, zaciahniecca da 2023 hoda.
Ukraina pierałamała chod vajny na svaju karyść. Kijeŭ, vierahodna, budzie ŭsio čaściej dyktavać miesca i charaktar asnoŭnych bajavych dziejańniaŭ, a Rasija budzie ŭsio čaściej nieadekvatna reahavać na rost fizičnaha i psichałahičnaha cisku z boku Ukrainy, zaklučajuć eksperty.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary