«Minsktrans» abmiežavaŭ prodaž kvitkoŭ na mižnarodnyja aŭtobusy dla biełarusaŭ ź vizaj D
Nie kožny ŭładalnik nacyjanalnych viz typu D ciapier moža kupić bilet na mižnarodny aŭtobus ź Minska. Jak raspaviali Office Life u «Minsktransie», kvitki pradaduć tolki ŭ tym vypadku, kali takaja viza vydadzienaja krainaj ujezdu.
Praściej kažučy, kupić bilet na mižnarodny aŭtobus, jaki idzie praz Polšču, zmohuć tolki ŭładalniki nacyjanalnaj polskaj vizy, praź Litvu — tolki litoŭskaj, a praz Łatviju — tolki łatvijskaj. Pry hetym pasažyru z nacyjanalnaj niamieckaj vizaj admoviać u kupli kvitka na rejs ź Minska ŭ Miunchien, bo aŭtobus pierasiakaje biełaruskuju miažu z Polščaj. Pa hetaj ža pryčynie pasažyr z polskaj nacyjanalnaj vizaj nie zmoža kupić bilet na aŭtobus da Vilni ci Ryhi.
U «Minsktransie» patłumačyli, što praviła dziejničaje z 7 vieraśnia. Dla ŭładalnikaŭ zvyčajnych šenhienskich viz ničoha nie źmianiłasia.
Źmieny nazvali časovymi i źviazvajuć ich sa składanaściami pry pierasiačeńni dziaržaŭnaj miažy z krainami Šenhienskaha pahadnieńnia.
U svaju čarhu, na aŭtavakzale ŭ Breście raspaviali, što nijakich abmiežavańniaŭ dla prodažu kvitkoŭ nie ŭvodzili:
— Vizu my nie praviarajem, vy sami niesiacie za jaje adkaznaść. Biez pytańniaŭ pradajom kvitki i biełarusam, i palakam.
Niama abmiežavańniaŭ na kuplu biletaŭ i ŭ pryvatnych pieravozčykaŭ ź Minska. Pradstaŭniki adnoj z kampanij paćvierdzili, što kvitki ŭ aeraport Vilni abo Kaŭnasa biez prablem pradajuć pa nacyjanalnych vizach Polščy i inšych krain.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary