Łukašenka pra rabotu transpartu: Nam patrabujecca virtuoznaja łahistyka
Na naradzie ŭ Łukašenki byli abmierkavanyja pytańni pracy biełaruskaha transpartnaha siektara va ŭmovach sankcyj, paviedamlaje jaho pres-słužba.
Mienavita transpartnaja halina źjaŭlajecca naturalnym pravadnikom źniešniehandlovych apieracyj, prynosić u krainu amal pałovu valutnaj vyručki ad ekspartu pasłuh (prykładna 45%), — adznačyŭ Alaksandr Łukašenka.
Pavodle jaho słoŭ, sankcyi razarvali mnohija daŭno vybudavanyja łahistyčnyja łancužki, što pryvodzić da vydatkaŭ vytvorcaŭ va ŭsich halinach.
— Kab prybytkova pradać svaju pradukcyju na ekspart ci pastavić na ŭnutrany rynak kamplektujučyja, patrabujecca sapraŭdy virtuoznaja łahistyka. I praściej, va ŭsiakim razie, u bližejšaj budučyni nie stanie.
Tamu pa-raniejšamu štodzionnaja praca Ministerstva transpartu — damaŭlacca ab vahonach, kantejnierach, prapusknych «voknach», kankurentnych taryfach. Tym bolš, što zadačy pa naroščvańni fizičnych abjomaŭ i dyviersifikacyi ekspartu halinovym ministram pastaŭlenyja. Ich vykanańnie ŭ niekatorym rodzie zaležyć ad pavarotlivaści Ministerstva transpartu, «Biełavija», — padkreśliŭ Łukašenka.
Pa jaho słovach, Biełaruś svoječasova adbiła zabaronu na pierasoŭvańnie hruzavych aŭtamabilaŭ ź Jeŭrasajuza. «Ciapier štodnia na pieračepcy ŭ nas kala tysiačy transpartnych srodkaŭ. Heta značyć, siudy pryjechali — budźcie łaskavyja pakinuć svoj hruz, pryčepy, jedźcie ŭ advarotny bok, my paviaziom dalej vaš hruz», — zajaviŭ Łukašenka.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary