Kiraŭnik «Bajpoł» zajaviŭ pra palityčnyja ambicyi arhanizacyi byłych siłavikoŭ
Kiraŭnik «Bajpoł», pradstaŭnik Abjadnanaha pierachodnaha kabinieta Biełarusi Alaksandr Azaraŭ na kanale «Žyćcio-malina» zajaviŭ pra mahčymaje stvareńnie palityčnaj partyi «Bajpoł». Taksama jon raspavioŭ i pra svaje ŭłasnyja ambicyi.
U žniŭni lidarka biełaruskaj apazicyi Śviatłana Cichanoŭskaja abjaviła ab stvareńni Abjadnanaha pierachodnaha kabinieta Biełarusi. Alaksandr Azaraŭ zaniaŭ u im pasadu pradstaŭnika pa biaśpiecy.
Viadučy kanała «Žyćcio-malina» Mikita Miełkazioraŭ spytaŭ u byłoha padpałkoŭnika milicyi, dla čaho ŭ kabiniecie pradstaŭnik «Bajpoła».
Azaraŭ skazaŭ, što «Bajpoł» — napeŭna, samaja bujnaja biełaruskaja demakratyčnaja arhanizacyja za miažoj, a ŭnutry krainy naohuł niama nijakich arhanizacyj [demakratyčnych].
Jon arhumientuje heta tym, što da abvieščanaha hod tamu płana «Pieramoha», pa jaho słovach, dałučyłasia kala 200000 biełarusaŭ.
«My majem takuju padtrymku, adpaviedna, my majem prava ličyć, što naša arhanizacyja — samaja bujnaja, pakolki my nie viedajem inšych, u jakich jość niejkija navat prykładna takija ličby».
Na pytańnie pra palityčnyja ambicyi, Azaraŭ rašuča adkazaŭ, što jany jość.
— My naohuł dumajem, što pakolki nas padtrymała vialikaja častka biełarusaŭ, to, mahčyma, u budučyni my možam zrabić svaju partyju «Bajpoł» — čamu b nie? Pakul heta nie abmiarkoŭvajecca, ale čamu b nie? Dumki takija jość.
Na pytańnie pra toje, ci byŭ by Azaravu cikavy post ministra MUS u novaj Biełarusi, kiraŭnik «Bajpoł» adkazaŭ, što ŭ jaho pryncyp pa žyćci: kali nie ja, to chto?
— Ja pakul nie baču, chto jašče moža hetym zaniacca. Voś kali my vierniemsia ŭ Biełaruś, mahčyma, buduć znojdzienyja siarod zvolnienych supracoŭnikaŭ [MUS], jakija ciapier znachodziacca ŭnutry Biełarusi, bolš hodnyja ludzi. Ale heta budzie ŭ budučyni bačna. Tamu ciapier pakul ja padniaŭ, jak havorycca, hety ściah, a dalej budzie bačna.
— Ministr MUS — vaša stol pa ambicyjach, ci jość jašče niešta? — spytaŭ Mikita Miełkazioraŭ.
— Heta zaležyć, napeŭna, ad biełarusaŭ, čaho jany chočuć ad mianie. Pakul taki ŭzrovień, a tam budzie bačna, — adkazaŭ Alaksandr Azaraŭ.
KDB pryznaŭ Abjadnany pierachodny kabiniet ekstremisckim farmavańniem
U Abjadnany pierachodny kabiniet uklučyli Taćcianu Zareckuju — biełarusku, jakaja trapiła ŭ śpis Forbes
Abjadnany pierachodny kabiniet pryniaŭ pieršuju pastanovu
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary