Słavutuju biełaruskuju biahuchu ledźvie dapuścili da Minskaha paŭmarafonu
11 vieraśnia ŭ Minsku prajšoŭ čarhovy paŭmarafon. Siarod 11 tysiač udzielnikaŭ, što vyjšli na start, była Śviatłana Kudzielič, udzielnica dźviuch Alimpijad i srebranaja pryziorka čempijanatu Jeŭropy. Jak akazałasia, słavutaja atletka mahła i nie vyjści na start.
Kudzielič, jakaja hod tamu naradziła syna, uziała na paŭmarafonie bronzu na dystancyi 21,1 km. Vyšejšyja miescy na pjedestale padzialili pamiž saboj Maryna Damancevič (padpisantka praŭładnaha lista ŭziała zołata) i Volha Niemahaj.
A krychu paźniej Śviatłana, padpisantka lista spartsmienaŭ suprać hvałtu, padzialiłasia ŭ storys niepryjemnaj historyjaj, źviazanaj z paŭmarafonam. Kudzielič raspaviała, što jaje, tytułavanuju biełaruskuju biahuchu, uvohule nie chacieli dapuskać da ŭdziełu ŭ paŭmarafonie.
Pa słovach Kudzielič, za dzień da startu čynoŭniki sabrali kansilium, pa vynikach jakoha vyrašyli ŭsio ž taki dazvolić Śviatłanie spaborničać. Ale z zaŭvahaj.
Reč u tym, što ŭ ramkach Minskaha paŭmarafona čynoŭniki zładzili taksama adkryty čempijanat Biełarusi pa paŭmarafonie, jaki adnačasova ličyŭsia adnym z etapaŭ Biełaruskaj lehkaatletyčnaj lihi. I voś da hetaha mierapryjemstva Kudzielič — biełarusku, što vystupała za krainu i brała dla jaje miedali — nie dapuścili.
Pry hetym u čempijanacie pryniali ŭdzieł rasijanie: naprykład, pieršaje miesca siarod mužčyn, choć i ŭ niejtralnym statusie, zaniaŭ Rynas Achmadziejeŭ z Rasii.
Tamu adzinaj uznaharodaj Kudzielič u niadzielu stała bronza paŭmarafona. Što da čempijanatu krainy, tam bronzu addali Karynie Tamašuk — biahusie, što sastupiła Śviatłanie chvilinu (vynik 1:18:36 suprać vyniku 1:17:36 u Kudzielič).
«Naša Niva» — bastyjon biełaruščyny
PADTRYMAĆ«Papierpram» razhramiŭ rahačoŭski «Dniapro» 29:0. Heta novy rekord čempijanatu Biełarusi
Kab nie hulać ź jabaćkami, futbalist syšoŭ z dobraha biełaruskaha kłuba — i ščaślivy
Trojčy najlepšy futbalist Biełarusi ledź nie viarnuŭsia ŭ nacyjanalny čempijanat, ale jahonaje «pakajannaje» videa nie zadavoliła ministra
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary