Pačali sudzić stryječnaha brata Paŭła Łatuški i jašče dvuch palitviaźniaŭ
U sudzie Centralnaha rajona Minska pačaŭsia razhlad kryminalnaj spravy Anatola Łatuški, Lilii Ananian i Aleny Malinoŭskaj. Ich zatrymali 31 studzienia za malavańnie pa trafarecie na paštovych skryniach u padjezdach žyłoha doma «Pahoni». Ciapier ich sudziać ahułam pa piaci artykułach Kryminalnaha kodeksa.
Palitviaźniaŭ zatrymali nočču 31 studzienia za toje, što nibyta jany malavali pa trafarecie na paštovych skryniach u padjezdach žyłoha doma hierb «Pahonia». Viadoma, što paśla zatrymańnia Anatola mocna źbili.
Zhodna ź viersijaj abvinavačvańnia, jany nieadnarazova na praciahu 2021 hoda «paškodžvali z chulihanskich pamknieńniaŭ majomaść niekalkich unitarnych pradpryjemstvaŭ na sumu bolš za try tysiačy rubloŭ, u tym liku šlacham naniasieńnia farbavalnych rečyvaŭ, roznaha rodu nadpisaŭ i malunkaŭ» (č. 2 art. 339 Kryminalnaha kodeksa); «pieraškadžali ažyćciaŭleńniu hramadzianami prava na ŭdzieł u respublikanskim refierendumie pa pytańni ŭniasieńnia źmianieńniaŭ i dapaŭnieńniaŭ Kanstytucyi Respubliki Biełaruś šlacham vyrabu i raźmiaščeńnia ŭ ahulnadastupnych miescach ulotak, jakija źmiaščali zakliki da zryvu i źviestki ab nibyta parušeńniach u praviadzieńni refierendumu» (č. 2 art. 191 Kryminalnaha kodeksa); «ździeku ź dziaržaŭnaha ściaha šlacham spaleńnia pałotnišča ŭ śniežni 2021 hoda i zapisu hetych dziejańniaŭ na videa z metaj raźmiaščeńnia ŭ internecie» (art. 370 Kryminalnaha kodeksa).
Taksama Anatolu Łatušku inkryminujucca «niezakonnyja zbor i raspaŭsiudžvańnie infarmacyi ab pryvatnym žyćci i piersanalnych danych asob u suviazi z vykanańniem imi hramadskaha abaviazku šlacham raźmiaščeńnia ŭ roznych ahulnadastupnych miescach ulotak, jakija źmiaščajuć danyja, jakija składajuć asabistuju i siamiejnuju tajamnicu paciarpiełych» (č. 3 art. 203-1 Kryminalnaha kodeksa); «aktyŭny ŭdzieł 18 kastryčnika 2020 hoda ŭ hrupavych dziejańniach, jakija hruba parušajuć hramadski paradak» (č. 1 art. 342 Kryminalnaha kodeksa).
Padtrymajcie palitźniavolenych listami, pasyłkami, hrašovymi pieravodami: SIZA-1, 220030, h. Minsk, vuł. Vaładarskaha, 2, Alena Viktaraŭna Malinoŭskaja, Anatol Viktaravič Łatuška, Lilija Lernikaŭna Ananian
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary